Anëtarët e ekipit:
Emër / Mbiemër / Mosha / Arsimi që po ndjekin
Adela Kallanxhi / 25 vjeç / Msc Marketing
Lorenc Doda / 21 vjeç / Informatikë
Marsel Lacka / 25 vjeç / Gjeo Informatikë
Shpetim Dushku / 23 vjeç / MP Informatikë Biznesi
Talent Garden Tirana i dha një cmim special projektit Ciceroni4.me dhe Tung Al ku për një muaj skuadrat do zhvillojnë idetë e tyre të biznesit në zyrat e tyre. Ja çfarë thonë anëtarët e ekipit në këtë intervistë ekskluzive për Infoalbania:
Cila është ideja e biznesit që propozon projekti juaj (jo më shumë se 3 fjali)
Kompania jonë ciceroni4.me është duke zhvilluar një marketplace për ciceronë, për të ndihmuar turistët e gjithë botës të gjejnë Guidën e tyre, përmes kërkimit tonë të avancuar.
Çfarë zgjidhje ofron dhe kujt i shërben?
ciceroni4.me do të jetë një shtyllë kyçe në formalizimin e Incoming Tourism në Shqipëri, Kosovë, Maqedoni dhe në Malin e Zi. Këto janë vendet ku do të lançohet fillimisht ciceroni4.me .
ciceroni4.me i shërben të gjithë guidave profesionale dhe amatore të kapin tregje të reja dhe turistëve të kenë një eksperiencë lokale në një vend të huaj.
Cilat ishin pritshmëritë tuaja nga Startup Weekend?
Pritshmëritë tona nga Startup Weekend ishin të mëdha dhe u plotësuan. Organizimi shumë i mirë, mentorët shumë profesionalë.
Ishte hera e parë që merrnit pjesë?
Kjo nuk ishte hera jonë e parë në Startup Weekend, kemi marrë pjesë që tek edicioni i parë.
Si do ta përshkruanit me 1 fjali këtë përvojë?
Unike! Aty kupton Shqipërinë e vërtetë!
Periudhën e inkubimit tek Talent Garden për çfarë do ta përdorni?
Këtë periudhë në Talent Garden po e përdorim për të ndërtuar versionin beta të ciceroni4.me. Duhet të falenderojmë të gjithë në TAG për mbështetjen e vazhdueshme. Gjithashtu më 30 Qershor do të bëjmë edhe një Event Prezantimi për ciceroni4.me pikërisht në ambjentet e TAG!
Ku e shikoni biznesin tuaj pas 6 muajsh? Po pas 1 viti?
Pas gjashtë muajsh ciceroni4.me do të jetë stabilizuar në treg dhe do të fillojë fuqishëm Sezonin Verë 2016. Pse jo, duke u futur edhe në Greqi!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
