Prodhuesi i makinave gjermane njoftoi se Abraham Schot do të marrë pozicionin drejtues pas arrestimit të Rupert Stadler, si pjesë e investigimit të çështjes.
Lexoni: Në pranga drejtori i Audi. I dyshuar për skandalin e naftës
Audi tha se Stadler kërkoi të pushohej nga postet e tij drejtuese në Audi dhe kompaninë mëmë, Volkswagen.
Prokurorët në Mynih thanë se Stadler, i cili ka punuar për Volkswagen që nga viti 1990, është arrestuar për shkak të shqetësimit se ai mund të ndikojë në dëshminë e një hetimi të vazhdueshëm mashtrimi.
Aksionet në Volkswagen ranë me 3% pas lajmit.
Audi tha se ata kanë rënë dakort për pezullimin e Stadler, deri në momentin e sqarimit të rrethanave që çuan në arrestimin e tij. Për kompaninë ai konsiderohet i pafajshëm derisa të provohet si fajtor.
Volkswagen ka pranuar se ka manipuluar miliona motorë diezel për të mashtruar testet e emisioneve.
Lexoni: Gjermania gjobit Volkswagen për skandalin e naftës
Skandali uli çmimin e aksioneve të kompanisë, dhe krisi besimin midis konsumatorëve dhe rregullatorëve në teknologjinë e naftës. Kjo ngjarje tashmë i ka kushtuar Volkswagen mbi 30 miliardë dollarë për pezullime, penalitete dhe zgjidhje të mundshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
