Për të gjithë lojtarët e Pokemon Go mbërrin një lajm i mirë. Niantic Labs kanë përfunduar nga puna dhe së shpejti do të hedhin në treg disa përditësime që thjeshtojnë sektorin “Nearby”.
Kështu, nëse një person i afrohet me telefonin e tij një Pokemoni, ajo që do të shohë nuk janë më gjurmët se ku është fshehur ai, por një fotografi me vendndodhjen e saktë.
Përditësime do të ketë edhe sektori “Sightings”, që do t’u mundësojë lojtarëve se çfarë lloje Pokemonësh kanë hasur persona të tjerë në të njëjtën zonë.
Sipas revistës “Forbes” përditësimi është “një rrugë e dy punë”. Së pari, thotë revista, është përmirësuar grafika dhe së dyti edhe disa probleme që kanë hasur një numër i caktuar përdoruesish të lojës me sistemin e gjurmëve.
Përditësimet janë duke u testuar në San Francisko dhe qytete të tjera të mëdha në Shtetet e Bashkuara dhe së shpejti do të jenë gati në të gjitha vendet ku është e shtrirë loja e famshme.
Burimi: Top Channel
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
