Çfarë është teknika e “këmbës poshtë derës” - Business Magazine Albania

Çfarë është teknika e “këmbës poshtë derës”

~4 minuta lexim

Hera e parë që e dëgjoni?

Pavarësisht emrit të çuditshëm, është një teknikë mjaft e përdorur. Edhe ju e përdorni sigurisht.

Me këtë teknikë individi ose kompania synon që të bindë dikë dhe të arrijë synimet e veta.

Si funksionon kjo teknikë?

Fillimisht krijohet një lidhje mes personit që po kërkon diçka dhe personit që po I kërkohet diçka. Studimet e njëpasnjëshme kanë treguar se nëse e nis me një kërkesë të vogël atëherë personi që bie dakort herën e parë, në të ardhmen do të ndihet I detyruar të bjerë dakort edhe për kërkesa më të mëdha.

Siç e thotë dhe vetë emri I teknikës, nënkuptohet që për të hyrë diku, individi vendos një herë këmbën poshtë derës dhe dalëngadalë e hap atë derë 😊

Ja disa shembuj ku përdoret kjo teknikë bindjeje:

Bisedë mes babait dhe djalit

Kërkesë e vogël nga djali: A mund ta marr makinën sot në darkë?

Kërkesë më e madhe nga djali: Makina më duhet për një udhëtim disa ditor.

Bisedë mes nënës dhe vajzës

Kërkesa e vogël: A mund të shkoj tek shtëpia e Sarës nesër?

Kërkese më e madhe: Sara do të shkojë tek qendra tregtare, a mund të shkoj edhe unë?

Bisedë mes dy shokëve

Kërkesë e vogël: A mund të më ndihmosh të marr divanin nga apartamenti i vjetër e ta dërgoj tek I riu?

Kërkesë më e madhe: A mund të më ndihmosh të ndërroj apartament?

Bisedë punëdhënës-punëmarrës

Kërkesë e vogël:  A mund të punosh një orë këtë fundjavë?

Kërkesë më e madhe: A mund të punosh të shtunën?

U bindët tani që edhe ju e keni përdorur teknikën e “këmbës poshtë derës”?

Por, si ka mundësi që kjo funksionon dhe pse është kaq e thjeshtë?

Çelësi pse kjo teknikë funksionon është se kërkesa e parë i duket kaq e vogël dhe e parëndësishme personit në fillim sa duket e pamundur që të thuash JO. Ajo kërkesë është shume e thjeshtë për t’u plotësuar, ndaj dhe personi bie dakort. Kështu kur gjendet përballë një kërkese më të madhe sërish ka tendencën të thotë PO.

Suksesi i kësaj teknike qëndron gjithashtu edhe sepse bazohet tek raporti dhe lidhja që është krijuar mes bindësit dhe subjektit duke rënë dakort për kërkesën e pare. Gjithashtu, kjo metodë funksionon nëse kërkesa e te tjera janë të lidhura me kërkesën e parë. Ndaj edhe personi vendoset në pozitë pasi ka rënë dakort për kërkesën e pare dhe detyrohet të bjerë dakort edhe për të dytën megjithëse është më e madhe. Në atë pikë, ai ndihet i detyruar të thotë po.

Kjo teknikë përdoret jo vetëm në jetën e përditshme në marrëdhëniet e punës, familjare apo ato mes miqve, por madje edhe në biznes, në marketing e deri tek fushatat e bamirësisë apo ato elektorale.

Pra fillimisht merr një PO, që të më vonë të marrësh një PO edhe më të madhe!

Kështu, nëse nuk e kishit dëgjuar apo nuk e kishit përdorur më parë, mund të filloni ta përdorni tani si metodë për të arritur qëllimet tuaja… 😊

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0