Çfarë e detyroi Cameron Diaz të tërhiqej nga Hollywood

Pse dikush do të dëshironte të tërhiqej nga Hollywood? Shumica e njerëzve e ëndërrojnë momentin kur shkelin aty. Ata duan yllin e tyre në Hollywood Walk Of Fame, ata duan të pozojnë në tapetin e kuq ndërsa fotografët bërtasin emrin e tyre, ata duan miliona ndjekës në mediat sociale – lista është e gjatë.

View this post on Instagram

#CameronDiaz

A post shared by Cameron Diaz Fans (@cameron_diaz_p) on

Jo gjithçka që shkëlqen në Hollywood është ar. Ajo që njerëzit harrojnë është se Hollywood është një univers më vete që vjen me traditat dhe rregullat e veta. Një nga traditat më të kritikuara duket se është akti i largimit të një aktoreje pasi ka arritur një moshë të caktuar. Aktorja e famshme Cameron Diaz në vitin 2018-të hoqi dorë përfundimisht nga aktrimi. Diaz që ka luajtur në disa nga filmat më të njohur si “Charlies’s Angel”, “The mask”, “There’s Something about Mary” apo “Shrek”, ka treguar se ka pasur një arsye të fortë që e shtyu të tërhiqej nga kinematografia.

View this post on Instagram

#CameronDiaz

A post shared by Cameron Diaz Fans (@cameron_diaz_p) on

“Është diçka e çuditshme për t’u thënë, shumë njerëz nuk kanë për ta kuptuar, e di që ti do e kuptosh, por ishte aq e lodhshme të punoje në ato nivele dhe të ishe dikush që gjithçka e ndan me publikun. Shpenzoja shumë energji, jo vetëm për punën si aktore, por edhe për të gjithë daljet publike, intervistat, gjithçka më merrte gjithë energjinë që kisha”.

Ajo ka shtuar se pasi mori vendimi për t’u tërhequr përfundimisht u ndje në paqe me shpirtin e saj dhe se më fund do të kishte mundësinë të kujdesej për veten. “Kisha punuar shumë me filmat, për një kohë shumë të gjatë, nuk kam pasur hapësirë fare për jetën time personale”, ka thënë Diaz.

Ndërkohë tani ajo është e fokusuar në industrinë e shëndetit dhe mirëqenies dhe sapo ka nxjerrë brand-in e saj të verës “Avaline”.

GOALCAST

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale