Neada Muçaj
Pranoje. Ti shikon shumë pak televizor (ndoshta nuk sheh fare). Kjo, jo vetëm sepse programacioni në TV është i tej-mbushur me politikë, por dhe sepse YouTube është kthyer në median më të madhe globale, ku ngarkohen çdo minutë 300 orë video. Po në YouTube-in shqiptarë çfarë mund të shohim?
Këto janë disa programe dhe vlogs shqiptare që unë ju sugjeroj të ndiqni:
ThinkBig
Cdo ditë na duhet frymëzim për të vazhduar përpara. Sezoni i dytë i ThinkBIG, këtë herë rikthehet me më shumë energji dhe me histori suksesi që kanë për të ndikuar te çdokush që do t’i shohë.
Në edicionin e tij të dytë do të gjeni biseda me CEO/Drejtues, lidhur me faktin se si kompanitë e tyre u përballën me krizën që solli pandemia. Cilat ishin mënyrat / taktikat që përdoren për ta kapërcyer atë? Si e shohin të bërit biznes në këto kohë?
Ky emision do të të ngacmojë të dalësh nga zona jote e komfortit, të kuptosh se disa gjëra nuk janë dhe aq të vështira sa duken e të mendosh përtej të zakonshmes.
LiveMe
LiveME eshtë një format risi dhe i veçantë për audiencën shqiptare. Ai sjell një frymë ndryshe nga ç’keni parë dhe synon të jetë një burim mësimi dhe frymëzimi për të gjithë me shembujt që do promovojë. Kristi Kumria rikthehet në sezonin e dytë me personazhe të rinj që kanë shumë për të treguar për arritjet dhe pasionet e tyre.
Nuk është karantinë
“Nuk është karantinë” është emisioni i drejtuar nga Eni Shehu që synon të rrëmbejë çdo javë shikuesit në aktivitete dhe destinacione të ndryshme, për një jetë sa më të shëndetshme dhe aspak të mërzitshme.
Natyra e këtij emisioni është e veçantë sepse promovon njerëz fit (të shëndetshëm) fizikisht por dhe mendërisht. Të gjitha episodet i gjeni në YouTube.
Bruna&Marinela Vlogs
Të kesh vlogun tënd në YouTube nuk do të thotë të jesh profesionist i fushës apo të blesh paisje të kushtueshme. Bruna dhe Marinela, janë dy shoqe me profesion infermiere të cilat vetëm më një telefon krijonë video për kanalin e tyre në YouTube. Aty ato ndajnë përditshmërinë e tyre në Gjermani dhe Shqipëri. Prej një viti, Bruna&Marinela Vlogs kanë arritur 2.63 mijë ndjekës, me të cilët shpërndajnë përmbajtje argëtuese.
MësoFalas
YouTube është një platformë e mirë dhe për edukim. Një nga kanalet më të mira edukuese shqip që mund të ndiqni është MësoFalas, një platformë online falas.
Mësoni përmes tutorialeve aftësi që do t’ju duhen në punë apo në jetën personale. Tips & Tricks, video të shkurtra dhe shumë kreative, duke nisur nga këshilla të mira për përdorimin e kompjuterit që të bëhet miku ynë, shkrimi i një teme diplome, shkarkimi falas i shumë përmbajtjeve me pagesë, etj. Mësoni si të negocioni pagën, si të fitoni një vend pune, si të shtoni motivimin tuaj, si të jeni më kreativ… Këtu do të gjeni gjithçka.
Dritare TV – YouTube
Dritare.net nisi si një media online me portalin e pavarur të lajmeve e sot ka hapur një “dritare” në YouTube. Dritare Tv është televizioni i parë online që do të gjeni në YouTube. Nuk mund të veçojmë një program të caktuar, sepse aty mund të gjeni edicionin e lajmeve, intervista me personazhe të njohur e të panjohur, zhvillime politike dhe lifestyle dhe rikthimin e emisionit me aktualitet politik shqip, nga Rudina Xhunga. Një hapësirë mediatike që promovon të rinjtë dhe ia vlen që t’i ndjekësh për t’u informuar.
Aladini
Si blen sot një introvert?
E gjete, Online. Për këtë ka menduar Aladini.
Aladini nuk është vetëm dyqani online më i madh në Shqipëri, por dhe një kanal në YouTube që ju hyn në punë për të testuara produkte. Video të shkurtra e të gjata, shpjeguese dhe argëtuese për cdo produkt që keni në plan të bleni. Ku mund ta gjej? Si përdoret? Cfarë çmimi ka? A ia vlen? Këtyre pyetjeve u përgjigjet Aladini, duke i testuar me zë e me figurë. Duhet t’i bëni subscribe.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
