Pyetja “ Çfarë do të bëhesh kur të rritesh” është më e njohura për fëmijët pas pyetjes “Kë do më shumë mamin apo babin? “.Të gjithë fëmijët ëndërrojnë të kenë profesione nga më të shumëllojshmet dhe përgjigjet e tyrë shpeshherë janë të çuditshme. Disa fëmijë e kanë të lehtë të përgjigjen, disa të tjerë pasi mendohen mund të të thonë më shumë se 3 profesione njëherësh. Përgjigjet e fëmijëve priten me interes nga prindërit, pasi ata kuptojnë më shumë nga natyra e tyre. Të gjitha gjeneratat e fëmijëve kanë disa përgjigje të përbashkta dhe ato shërbejnë për të kuptuar më mirë normat dhe kulturën e një shoqërie. Fëmijët ndryshojnë nga një periudhë në tjetrën. Kjo tregon për një zhvillim të vrullshëm të stilit tonë të jetesës.
Një raport nga “The Fatherly Imagination” i cili është një blog dedikuar prindërve meshkuj analizon përgjigjet e 500 fëmijëve.
Profesioni i preferuar.
Kjo gjeneratë e fëmijëve është shumë altruiste . Ata kanë përzgjedhur profesione që i shërbejnë komunitetit si: doktorë, zjarrfikës, veterinerë apo mësues. Megjithëse media reklamon shumë jetën e të famshëmve , ata nuk preferojnë të bëhen artistë apo këngëtarë.
Profesionet sipas gjinive të fëmijëve.
Nuk është surprizë që shumica e djemve kanë zgjedhur të bëhen sportistë në të ardhmen. Media e sotme promovon së shumti yjet e sportit si Mesi apo Ronaldo. Vajzat deklarojnë se duan të bëhen mjeke. Ky është një trend i ri, duke parë që në të shkuarën shuma vajza donin të bëheshin princesha.
Profesionet sipas moshës.
Fëmijët nuk janë shumë të vendosur për përgjigjen e tyre, ashtu siç bëjnë akoma shumë të rinj. Duke u rritur, dëshirat e tyre ndryshojnë dhe kjo është krejt e natyrshme. Informacioni për botën që i rrethon është më i madh dhe mendja e tyre piqet më tepër për të përdorur arsyen.
/Forbes/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
