Certifikohen 13 mjeshtra zejtarë

 Në ambientet e Dhomës Tregtare të Zejtarisë u mbajt konferenca e parë e zejtarisë, “Formimi profesional, praktik dhe modern për të plotësuar nevojat e biznesit me fuqi punëtore të kualifikuar”.Organizatorët theksuan nevojën e mbështetjes së artizanëve dhe nxitjes së vetëpuniKjo ceremoni bëri bashkë figura të njohura shqiptare dhe gjermane ku ndër ta përmendimësimit në këtë drejtim. Kryetari i Dhomës Luan Bregasi, tha se shembujt e mirë janë tashmë në treg dhe nevojitet që shkollat e qendrat e formimit profesional të marrin një rol më të rëndësishëm në këtë drejtim.

Në fjalimin e tij, Luan Bregasi theksoi arritjen për krijimin e ligjit të Zejtarisë. “Kjo dhomë e ka nisur aktivitetin në shërbim të sipërmarrësve dhe komunitetit të zejtarëve. Misioni i saj është të ndihmojë zejtarët dhe të japë praktika profesionale, që nesër të kemi në treg profesionistë të vërtëtë.”

Ministrja e Financave Anila Denaj theksoi rëndësinë e kualifikimit të fuqisë punëtore në përputhje me nevojat e tregut të punës. Ministrja theksoi se, gërshetimi i teorisë me praktikën është tepër i rëndësishëm për arsimin profesional. “Arsimimi dual, me 50 % kohë në trajnim dhe 50% kohë në punë, është një edukatë gjermane, të cilën mund ta adoptojmë në kushtet shqiptare aty ku është e nevojshme.

Lexo: Nxitja e zhvillimit të zejtarisë, drejt krijimit Dhoma Kombëtare e Zejtarisë

Dhoma Kombëtar e Zejtarisë çertifikoi me titullin Mjeshtër nga Dhoma e Zejtarisë i disa prej figurave jo pak të njohura të artit, sipërmarrjes dhe zejtarisë.

U nderuan me titullin Mjeshtër:

• Tereze Gega- Mjeshtre në sektorin e artizanatit
• Gëzim Hidri – Mjeshtër në përpunimin e gurit
• Marjana Kroi – Mjeshtre në fushën e estetikës
• Vasillaq Kolevica – Mjeshtër në fushën e qeramikës
• Reshat Taku – Mjeshtër në kulinari
• Neritan Rustemi – Mjeshtër në pastiçeri
• Adelina Theodhori – Mjeshtre në artizanat
• Florenca Reci – Mjeshtre në artizanat
• Meliha Zyberi – Mjeshtre në artizanat
• Avni Nela – Mjeshtër i milellit dhe i bukës
• Anida Morina – Mjeshtre në ndërthurjen e modernes me tradicionalen
• Erti Byturku – Mjeshtër berber
• Rifat Toska – Mjeshtër i përpunimit të drurit

Në bashkëpunim me Dhomën e Zejtarisë Koblenz Dhoma Kombëtare e Zejtarisë në Shqipëri synon:

1. Zbatimin e plotë të ligjit shqiptar për Zejtarinë;
2. Ndërtimin e Dhomës Kombëtare të Zejtarisë dhe strukturave të saj;
3. Krijimin e regjistrit të nërmarrjeve zejtare dhe mjeshtrave;
4. Organizimin dhe kordinimin e trajnimeve të zejeve;
5. Arsimimin dhe trajnimin e zejtarëve dhe praktikantëve;
6. Krijimin e ofertave të shërbimit për kompanitë anëtare;
7. Konceptimin e performacës publike të Dhomës Kombëtare të Zejtarisë;
8. Ne ndjekim zejtarët në rrugën e tyre drejt suksesit.