“Po”. “Kjo ishte përgjigjja e thjeshtë që mora pasi pyeta CEO-n e Google Cloud, Thomas Kurian, nëse mendonte se i kishte përmbushur qëllimet që kishte vendosur para një viti”, shkruan Frederic Lardinois për Techcrunch.
Një vit më parë, ai u vendos në krye të operacioneve të Google Cloud, e cila përfshin G Suite. Ai vendosi t’i japë organizatës një fokus më të qartë, duke zgjeruar strategjinë e vendosur nga paraardhësja e tij, Diane Greene. Nuk është sekret që Kurian, me background nga Oracle, e përqendroi menjëherë fokusin e Googe Cloud tek klientët sipërmarrës, duke e vënë theksin tek një numër i specifikuar klientësh.
Pra nuk është për t’u habitur që citimi i parë i Kurian është se Google Cloud zgjeroi formacionin e tij duke përfshirë tipare të rëndësishme që i mungonin ekipit. “Kur shikojmë se çfarë kemi bërë vitin e kaluar, e para është maturimi i produkteve tona”,thotë ai. “Ne kemi hapur shumë tregje për produktet tona sepse kemi maturuar cilësitë e produkteve”.
Lexo këtu: Franca gjobit Google 150 milionë euro
Ne kemi shtuar gjëra të tilla si përputhja e kërkesave. Kemi rritur mbështetjen për shumë sipërmarrje si SAP, VMare, Oracle dhe një numër sipërmarrjesh të tjera, të cilave u kemi ofruar zgjidhje. “Falë kësaj, firma analitike si Gartner dhe Forrester tani e rendisin Google Cloud përkrah dy lojtarëve të tjerë, me të cilët krasohen të gjithë”, thekson ai.
Rekordi i mëparshëm i Google Cloud ka qenë për njohuritë teknike dhe karaktersikat e shkëlqyera, por kjo nuk majfton. Një nga veprimet e para që ndërmori Kurian ishte zgjerimi i ekipit të shitjeve të kompanisë duke e bërë atë të ngjashme me një kompani tradicionale sipërmarrjeje.
“Ne ishim në gjendje të specializonim ekipet tona të shitjes sipas industrisë, shtuam talentin tek organizata e shitjeve dhe përshkallëzuam shitjet në mënyrë të konsiderueshme. Unë mendoj se ju keni filluar t’i shikoni këto rezultate.
Ne rritëm jo vetëm numrin e njerëzve, por produktiviteti ynë u përmirësua tek organizimi i shitjeve. Kështu që e gjithë kjo ishte shumë e mirë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
