Businessmag Albania, pjesë e emisionit “Dita jonë", CNN A2 - Business Magazine Albania

Businessmag Albania, pjesë e emisionit “Dita jonë”, CNN A2


Pasqyrimi i dinamikës së sipërmarrjeve të reja, startup-eve dhe rasteve të suksesit në Businessmag ka tërhequr vemendjen e drejtuesve të emisionit të CNN A2, “Dita jonë”. Përkrah lajmeve të përditshme të emigracionit apo zhvillimeve e problemeve në ekonomi, vëmendja u fokusua tek mundësitë, trendet e sipërmarrjeve të reja, dhe kapitali human.

Gerti Boshnjaku, themelues i Business Magazine Albania tha se, “edhe pse jemi një ekonomi me probleme, ku vitin e kaluar pati ulje të rritjes ekonomike, zhvlerësim të euros, ikje të talenteve, besojmë se ka një pjesë njerëzish që po ndryshojnë mënyrën e të bërit biznes, duke inovuar e gjetur zgjidhje të reja”.

Sipas tij, pavarësisht vështirësive që ka ekonomia e vendit në tërësi, këta sipërmarrës po punojnë, po zhvillojnë biznese duke u nisur nga problemet që kanë hasur nga afër. “Ata inspirohen, edukohen e zhvillojnë rrugën e të bërit biznes. Nëse 5 vite më parë, nuk kishte një komunitet të mirëfilltë startupesh, sot po përdorim produkte të startup-eve shqiptare”, tha Gerti. Ka nga ato që po zhvillojnë produkte në rang global dhe me impakt tek miliona njerëz. Në tregun vendas, ai solli shembullin e Babbon, përmes të cilit mund të porosisim ushqim në çdo restorant që duam. Për më tepër, nisma të tilla kanë nxitur zgjidhje të ngjashme. I tillë është shërbimi për piceritë.

Një pikë e fortë tek sipërmarrësit e rinj shqiptarë janë mentorët. Sipas Gerti Boshnjakut, sygjerimi i tyre i përgjithshëm është që sipërmarrësi të dalë nga comfort zonë. Aty ku ka probleme, zhvillohen zgjidhje. Kjo vlen shumë për vende të vogla. E njëjta gjë ka ndodhur me Izraelin, i cili ka zhvilluar komunitetin më të fortë startup-esh, pikërisht për shkak të pengesave dhe marrëdhënieve jo të mira me fqinjët.

Duke iu referuar speciales se numrit të fundit të revistës, Gerti theksoi nevojën e zhvillimit të kapitalit njërëzor. Diskutimet dhe tryezat e zhvilluara në Shkollën Verore, mbajtur në shtator nga projekti “Aftësi për Punë”, vunë në dukje renditjen e Shqipërisë në nivele të ulëta për sa u përket: kapitalit njërëzor dhe investimeve në këtë drejtim. Për një zhvillim në këtë drejtim, një rol të rëndësishëm kanë mësuesit.

“Jo vetëm në Shqipëri, por edhe në vende të tjera është e rëndësishme që oferta e shkollës të përshtatet me tregun. Është e nevojshme të fitohen aftësi të përshtatshme për gjetjen e vendit të punës. Nevojitet që personi të zhvillojë aftësitë e buta. Mësuesit nevojitet të jenë të hapur me ofertën e tyre mësimdhënëse, ndërsa një rol i rëndësishëm u takon kompanivë. Ato nevojitet të investojnë tek punonjësit e tyre”, tha Gerti Boshnjaku.

Për zhvillimin e komunitetit të startup-eve në Shqipëri Gerti vlerësoi ligjin për startup-et që po punohet nga Ministria e Sipërmarrjes, duke theksuar se ka një qasje pozitive nga qeveria dhe institucionet.

Sipas tij, bazuar edhe në përvojën si sipërmarrës, ai mendon se më shumë se mbështetje nga institucionet, bizneseve u nevojitet të lihen të lirë dhe të mund të mos pengohen në projektet e tyre.

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0