Bursa ALSE tregton obligacione thesari në euro
Përditësuar së fundmi: 13/07/2018

Bursa ALSE tregton obligacione thesari në euro

Share
nga Albana Mucaj
Kor 13, 2018

Bursa Shqiptare e Titujve ka realizuar këtë javë një transaksion të letrave me vlerë në monedhën euro. Në njoftimin e saj zyrtar, ALSE vëren se transaksioni është kryer në obligacione thesari të qeverisë shqiptare.

Në transaksionin e parë në euro, u tregtuan gjithsej 96 obligacione, me vlerë totale rreth 96 mijë euro.

Krahas borxhit të jashtëm, Qeveria shqiptare ka obligacione në euro të blera në tregun e brendshëm  financiar. Kjo është përvoja e parë që i hap rrugë edhe tregtimit të obligacioneve në euro në Bursën Shqiptare të Titujve.

ALSE ka ftuar publikisht investitorët e interesuar t’u drejtohen brokerave anëtarë të bursës për të kryer transaksione me këto tituj. Aktualisht, Bursa numëron katër anëtarë me aktivitet në sektorin bankar: Banka Credins, ABI Bank, Tirana Bank dhe Banka Ndërkombëtare Tregtare.

Lexoni: Krijohet Bursa e Titujve. Nis tregtimi i titujve të qeverisë përmes bursës

Edhe në këtë rast mundësia e tregtimit është me ofertë private, pra jo e hapur për publikun e gjerë por për kompania me përvojë e të konsoliduara në treg.

Bursa Shqiptare e Titujve u licencua vitin e kaluar. Deri vitin e ardhshëm ajo pritet të menaxhojë operacione me ofertë private, kur pritet të hapet edhe mundësia e një tregu të liberalizuar titujsh.

 


Evente

Trajnim nga BERZH – Si të menaxhoni një kompani konsulence?

Tetor 29, 2018
- 30 Tetor, 2018 dhe 20-21 Nëntor 2018, ora 9:00 AM - 5:30 PM

Panairi i 21 i Librit “Tirana 2018”

Nëntor 14, 2018
– 18 Nëntor ora 08:00 - 21:00