Banka Qendrore Europiane do t’i lërë punonjësit e saj të punojnë nga shtëpia deri në fillim të vitit të ardhshëm me përhapjen e variantit Deta të Covid 19.
Presidentja e BQE, Christine Lagarde, tha se punonjësit me shumë mundësi nuk do të kthehen në zyra me kohë të plotë, ndërkohë që kompanitë u mësuan t’u bëjnë ballë kushteve fleksibël gjatë pandemisë së koronavirusit.
Në një intervistë ajo tha se, “po i drejtohemi një mjedisi hibrid, ku një pjesë e javës do kalohet në zyrë, në mënyrë që njerëzit të takohen, të shihen me njëri-tjetrin dhe të mund të zhvillojnë mbledhje. Në pjesën tjetër të javës do të punohet nga shtëpia”.
Projektimi i saktë i këtyre marrëveshjeve me kompanitë nuk është ende tërësisht i qartë. Megjithatë, njerëzit kanë mësuar gjatë pandemisë dhe këto mësime do përdoren në mënyrën e të punuarit në të ardhmen , sipas Lagarde.
Kompanitë e mëdha janë detyruar të shtyjnë kthimet në zyra, pasi varianti Delta i koronavirusit ka shkaktuar rritje të infeksioneve. Lagarde pranoi se pjesë të mëdha të fuqisë punëtore, përfshirë stafin në spitale, punëtorët në ndërtim dhe shitësit në dyqane, nuk kanë luksin e zgjedhjes për vendin e punës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
