Boyd Multerer, "Babai i shpikjes XBOX", është folësi i ri i SPARK.ME 2018

Boyd Multerer, “Babai i shpikjes XBOX”, është folësi i ri i Spark.me 2018


Ekipi organizues i Spark.me, një nga konferencat më të rëndësishme të internetit dhe biznesit në Europën Juglindore, e cila është caktuar në muajin Maj në datat 26-27 (me një ditë shtesë për workshop-et më 25 maj), në qytetin bregdetar të Budvës, Mali i Zi,  sapo ka njoftuar folësin e ri të Spark.me 2018 – Boyd Multerer, ish inxhinier drejtues për video lojën Xbox, i cili themeloi Xbox Live dhe XNA.

Në ekipin Xbox, Boyd filloi Xbox Live në vitin 2000, një shërbim për shpërndarjen e lojërave në internet dhe të medias dixhitale, dhe drejtoi zhvillimin e saj inxhinerik për katër vjet. Në vitin 2004 ai themeloi XNA, i cili hapi Xbox për të gjithë zhvilluesit dhe krijoi C# si gjuhë e lojrave në mjete që do të jetonin përtej XNA-s (Monogame, Unity, më shumë…). Së fundi, ai drejtoi ekipin e sistemit operativ për levën e video lojërave të Xbox One. Kjo mbuloi të gjitha fushat nga hypervisor / kernel dhe sigurinë deri në modelin e aplikimit, UI dhe Kinect.

Që prej largimit nga Microsoft në vitin 2014, Boyd ka hulumtuar (dhe ndërtuar) në mënyrë të pavarur të ardhmen e sistemeve operative për pajisjet e lidhura me stilin IOT (Interneti i gjërave). Me një theks të veçantë mbi sigurinë, vetë-shërimin, lehtësinë e programimit dhe footprint, ai po përdor atë që mësoi duke ndërtuar Xbox në fusha të reja. Boyd ka paraqitur afërsisht 50 patenta me të paktën 26 të miratuar përfundimisht. Ai ka menaxhuar projekte që fillojnë nga shumë të vogla deri në 100 milion dollarë.

Organizatorët e Spark.me kanë njoftuar më parë dy folës të Spark.me 2018 – Mark W. Schaefer (një nga strategët më të rëndësishëm të marketingut në botë të medias sociale dhe një konsulent biznesi që blogon në {grow} – një nga pesë bloget më të mira të marketingut në botë) dhe Kerry O’Shea Gorgone (Drejtoreshë e Strategjisë së Produkteve, Trajnuese në MarketingProfs, dhe drejtuese e podcasteve Marketing Smarts). Më shumë folës do të shpallen në javët e ardhshme.

Biletat e Spark.me janë në dispozicion në faqen zyrtare të konferencës. Çmimi i plotë i biletës është 300 €. Megjithatë, të gjitha palët e interesuara mund të përfitojnë nga ulja e çmimit të biletave dhe ta marrin atë për vetëm 150 €, para datës 18 Shkurt. Studentët e shkollave të mesme, studentët në universitet, në studime pasuniversitare dhe PhD të cilët janë 27 vjeç ose më të rinj mund të marrin biletën e tyre për një çmim special prej 50 €.

Biletat e konferencës Spark.me përfshijnë: të gjitha sesionet e konferencës (26-27 Maj), seminaret dhe workshopet (25 Maj), drekën në të dy ditët e konferencës, të gjithë “coffee breaks” në të dy ditët e konferencës dhe një pritje koktejli në mbrëmjen e ditës së 26 të konferencës. Bileta nuk përfshin akomodimin dhe transportin. Të gjitha biletat e blera më vonë mund të transferohen tek një person tjetër (“ndryshim emri”), por nuk mund të kthehen.

Spark.me, një nga konferencat më të rëndësishme të biznesit / internetit në Europën Juglindore, do të mbahet në datat 26-27 Maj, 2017, në Hotel Mediteran, në qytetin bregdetar të Budvës, Mali i Zi. Këtë vit, Spark.me ka përgatitur diçka të re – një ditë shtesë për workshop-et e marketingut dhe startup-et më 25 maj, të cilat janë plotësisht falas ata që kanë biletën e konferencës. Konferenca është organizuar çdo vit që nga viti 2013, nga Domain.ME, një kompani private që është në ngarkim të domain-it kombëtar të internetit të Malit të Zi – .ME.

Spark.me sjell histori nga zgjidhjet teknologjike më inovative , modele të reja të biznesit, strategji angazhimi të markave, iniciativa për ndryshimin e botës dhe bashkon së bashku biznesin, teknologjinë, udhëheqësit e inovacionit, marketerët, startup-et dhe geeks.

Ju mund të gjeni më shumë informacion në lidhje me konferencën në faqen zyrtare të Spark.me, në faqen në Facebook, në Twitter dhe në llogarinë tonë në Instagram.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0