Botanic Home Decor: Arredimi i shtëpive në një stil unik tashmë vjen online - Business Magazine Albania

Botanic Home Decor: Arredimi i shtëpive në një stil unik tashmë vjen online

Botanic Home Decor

Botanic Home Decor është një rishitës i produkteve me punime abstrakte si qypa, panorama, produkte dekoruese për shtëpia apo ambiente të ndyrshme. Ata janë zotërues të një pikë shitjeje në zonën e Astirit e cila ka funksionuar si pikë fizike prej rreth 20 vitesh. Megjithatë duke parë që tashmë gjithë njerëzit janë online dhe shitjet bëhen më të lehta nëpërmjet një pajisjeje elektronike apo thjesht nëpërmjet një celulari, ata vendosën të hedhin hapin e parë për të kaluar online. Në një intervistë me Xhino Kushi, pronarin e Botanic Home Decor zbulojmë më shumë për planet e tij të biznesit.

Duke qenë se keni një kohë goxha të konsiderueshme në treg interesi duhet të jetë i madh? Kryesisht cili është grupi juaj i klientëve tipik?

Klientët tanë tipik janë njerëzit e thjeshtë, familjet e një niveli mesatar të cilët duan të arredojnë shtëpitë e tyre duke u dhënë një prekje ndryshe, me një çmim të favorshëm. Pavarsisht se ne besojmë se ka produkte të përshtatshme për të gjithë stilet dhe të gjitha kërkesat në çmim. 

Si e keni menduar ta bëni kalimin nga dyqan fizik në dyqan online?

Siç e dimë i gjithë tregu e ka kthyer vëmendjen totalisht nga tregtimi online, ne menduam që do të ishte një mënyrë e mirë për ne që të jemi më pranë konsumatorit tonë primar, të lehtësojmë procesin e blerjes por edhe të promovojmë produktet tona. 

Momentalisht kemi zgjedhur një rrugë të thjeshtë për të parë se sa mund të funksionojë, duke hapur një faqe në instagram dhe duke postuar. Angazhimi në rrjete sociale do kohën e vetë për të kuruar postimet dhe profilin, por ne jemi munduar t’a fillojmë pa ndihmën e një profesionisti dhe të shohim se si do të vazhdojë. Nëse do të ketë ecuri do të kemi një website të dedikuar për Botanic Home Decor.

A kanë filluar ato shitjet e para nga Instagrami apo jemi ende herët?

Kemi patur shitje edhe pse numri i ndjekësve është goxha i vogël çka më tregon që jemi në rrugën e duhur. 

Keni mendurat se si mund ta zgjeroni më vonë Botanic?

Një ide e mirë do të ishte një showroom më i madh, ndoshta të zhvendosemi në një vend më pranë qendrës, ose dhe të hapim një pikë tjetër. Ne jemi duke i peshuar të gjitha mundësitë por duke qenë ende biznes i vogël edhe mundësitë tona shkojnë paralel me fitimet.

Cili mendoni që ka qenë problemi që jeni ende një biznes i vogël pas kaq shumë vitesh?

Problemi mendoj që është kryesisht ekonomia në Shqipëri, produktet tona janë gjëra luksi por për një shtresë që dita-ditës po detyrohet të heq dorë nga gjërat e luksit. Një familje që nuk ka nevojat bazë të plotësuara nuk mund të mendojë për produkte arreduese. 

Sa mendoni se do të ketë impakt në volumin e shitjeve instagrami?

Është herët për të folur për shifra, por presim një dyfishim të shitjeve, me përkushtim dhe vëmendje besoj se kjo mund të vijë shumë shpejt. 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0