Borchardt, ish-ambasadori gjerman, tashmë në Tiranë në krye të OSBE-së


Kryetari i ri i pranisë së OSBE-së në vendin tonë do të jetë Bernd Borchardt, një lajm ky i publikuar nga vetë prania e OSBE-së në Shqipëri përmes llogarisë në Twitter.

Diplomati gjerman, një emër i njohur për shqiptarët, ka qenë ambasador i Gjermanisë në Shqipëri gjatë viteve 2007-2010, ndërkohë që së fundi ka shërbyer edhe si kreu i EULEX-it në Kosovë.

Emërimi i Borchardt si ambasador i OSBE-së në Shqipëri vjen në një moment shumë të rëndësishëm, pas miratimit të Reformës në Drejtësi dhe në prag të zbatimit të saj.

Borchardt-ish-ambasadori-gjerman-tashmë-në-Tiranë-në-krye-të-OSBE-së-businessmag

Përveç eksperiencës si diplomat karriere, Borchardt pritet të sjellë edhe eksperiencën e fituar gjatë drejtimit të EULEX-it, pasi Shqipëria ka një model deri diku të ngjashëm me atë të Kosovës në sistemin e drejtësisë.

Faktikisht, edhe drejtësia e re shqiptare do të ketë në krye një mision ndërkombëtar, i cili edhe pse jo vendimmarrës, do të ketë një rol të fortë monitorues.

Pas përfundimit të misionit si ambasador në Shqipëri, diplomati gjerman ka punuar në Ministrinë e Jashtme të Gjermanisë si koordinator i stafit gjerman, që shërbente në organizata ndërkombëtare. Në dhjetor të vitit 2012, ai u emërua në postin e kreut të EULEX-it në Kosovë. Tashmë ai do të pasojë në këtë rol të ri ish-ambasadorin austriak Florian Raunig.

Sa i përket veprimtarisë së pranisë së Organizatës për Sigurinë dhe Bashkëpunimin në Europë, ajo kujdeset më së shumti për fusha të tilla: nga kontrolli i armëve dhe lufta kundër trafikimit, e deri te reforma zgjedhore, nismat kundër korrupsionit, projektet për integrimin gjinor dhe mjedisor, mbrojtja e të drejtave të njeriut, reformat legjislative, gjyqësore dhe të medias, si dhe ngritja e kapaciteteve të oficerëve të zbatimit të ligjit.

 

Burimi: Top-Channel 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale