Bitcoin dhe kriptomonedha të tjera u rritën të mërkurën pasi presidenti Joe Biden, shpalli urdhërin e shumëpritur ekzekutiv mbi asetet digjitale, i cili dukej se mbante një qëndrim pozitiv ndaj industrisë së shkëmbimit të kriptovalutave.
Bitcoin po tregëtohej me 42.284 $ rreth 9 % më shumë sipas Coin Metrics. Kriptomonedhat e tjera gjithashtu, duke përfshirë dhe ether, u rritën në vlerë.
Por, rritja fillestare në vlerë erdhi para shpalljes së vendimit ekzekutiv.
Urdhëri ekzekutiv i Biden synon të adresojë mënyrën e zhvillimit të shkëmbimit të kriptovalutave në SHBA, ndërsa kritikët thonë se kjo do të lërë industrinë e vendit pas shumë vendeve të tjera në botë.
Lexo edhe: Të investosh apo të prodhosh Bitcoin? Çfarë sjell më shumë përfitime sipas llogarive
“Shtetet e Bashkuara të Amerikës duhet të ruajnë lidershipin teknologjik në këtë hapësirë në zhvillim, duke mbështetur inovacionin, teksa ruan nga rreziqet konsumatorët, bizneset dhe sistemin financiar më gjerë,” thotë urdhëri ekzekutiv.
Politika e Biden kërkon marrjen e masave për të mbrojtur konsumatorët, investitorët dhe bizneset amerikane dhe për të ruajtur SHBA-të nga rreziqet e sistemit financiar global.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
