Standard Chartered: Bitcoin mund të arrijë në 5 mijë dollarë në 2023 - Business Magazine Albania

Standard Chartered: Bitcoin mund të arrijë në 5 mijë dollarë në 2023

Standard Chartered

Bitcoin mund të bjerë në 5,000 dollarë vitin e ardhshëm si një surprizë e tregut, parashikon firma analitike “Standard Chartered”. Nëse arrihet ky nivel, do të shënonte një rënie afërsisht 70% nga çmimi i fillimit të dhjetorit, prej pak më shumë se 17,000 dollarë për një Bitcoin.

Në një shënim të titulluar “Surprizat e tregut financiar të vitit 2023”, “Standard Chartered” përshkroi një numër skenarësh të mundshëm që “ne mendojmë se janë nënçmuar nga tregjet”.

Lexo edhe: Ndërsa kriptomonedhat “bien”, BQE po teston “euron digjitale”

“Rendimentet bien së bashku me aksionet e teknologjisë dhe ndërkohë që shitja e Bitcoin ngadalësohet, dëmi është shkaktuar. Gjithnjë e më shumë firma dhe shkëmbime kriptomonedhash e gjejnë veten me likuiditet të pamjaftueshëm, duke çuar në falimentime të mëtejshme dhe një kolaps të besimit të investitorëve në asetet digjitale. ” shprehet Eric Robertsen, kreu global i kërkimit në Standard Chartered Bank.

Robertsen tha se skenarët disi ekstremë “kanë një probabilitet jo zero për të ndodhur në vitin e ardhshëm dhe … bien materialisht jashtë parimeve të tregut ose pikëpamjeve tona bazë.”

Bitcoin ka rënë tashmë më shumë se 60% këtë vit pas një sërë kolapsesh të projekteve dhe kompanive që rrënuan industrinë. Viktima e fundit dhe më e madhe është shkëmbimi i kriptovalutave FTX, i cili ka paraqitur kërkesë për falimentim. Infektimi nga pasojat e FTX vazhdon të përhapet në treg.

CNBC 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0