Bitcoin, a është një investim i mirë? - Business Magazine Albania

Bitcoin, a është një investim i mirë?

Bitcoin

LiveME Show & Podcast  është një risi e sjellë nga Business Magazine e cila këtë vit po transmeton  sezonin e dytë në të gjitha platformat e Business Magazine, lehtësisht të aksesueshme për të gjithë. LiveME bën bashkë sipërmarrës të fushave të ndryshme për të diskutuar për tema aktuale dhe mjaft interesante si dhe për t’u bërë inspirim për të gjithë të rinjtë që aspirojnë të bëhen sipërmarrës dhe jo vetëm.

Në episodin e kësaj jave Kristi Kumria drejtues i LiveME ftoi Brunilda Isaj, Sekretare e Përgjithshme e Shoqatës Mikrofinanca Shqipëtare dhe Dorian Kane , administrator dhe developer i Salesforce Albania, për të diskutuar për tregjet virtuale të aksioneve (Stock Markets), monedhat vrituale si dhe nëntema të lidhura me çështjen. 

Në fillim të këtij episodi Brunilda na ofroi një vështrim të përgjithshëm të kuptimit të aksioneve virtualisht të tregtueshme si dhe fjalës së duhur për t’u përdorur kur duam të flasim për ‘stock market’. E pyetur nga Kristi ajo sqaroi se përfshirja në tregti të tilla mbart një risk të lartë, krahas kthimeve potencialisht të mëdha  dhe kërkon analizë të detajuar dhe profesionalizëm. 

Lexoni: LiveME Podcast i Kristi Kumria, pjesë e platformës së Business Magazine

Në vijim Doriani na prezantoi me disa nga llojet më fitimprurëse të monedhave virtuale si dhe mundësitë që ofron tregtimi i tyre. Ai gjithashtu na tregoi hap pas hapi procesin e tregtimit të monedhave ‘etherium’ e ndau me audiencën se është duke punuar për një website në ndihmë të të rinjve shqiptarë të cilët janë të interesuar të investojnë në monedhat virtuale.

Bursat dhe cryptocurrencies ishin tema që pasuan biseden teksa Brunilda shpjegonte kuptimin dhe luhatjet e tyre në bazë të ndryshimeve apo situatave të papritura që mund të ndodhin. 

Por nga duhet t’ia fillojë dikush pa eksperiencë për të investuar në bursë?

Brunilda sugjeroi përdorimin e platformave të ndryshme për të fituar njohuri përpara se dikush të fillojë realisht të investojë para e sidomos para të cilat nuk kanë luksin t’i humbin. 

Teksa diskutonin për bursën në Shqipëri Doriani dha disa nga këshillat dhe sugjerimet e tij përsa i përket investimit nga Shqipëria dhe ndau eksperienca personale lidhur me crypto-monedhat duke na lënë të kuptojmë se ky treg ia vlen nëse investohet me zgjuarsi. Një ndër temat kyçe të rradhës ishte fenomeni GameStop, ku të ftuarit shpjeguan situatat e ndodhura dhe arsyen pse u bë kaq i përfolur për të gjithë. 

Një lajm i ri për audiencën ishte puna që po bëhet për krijimin e bursës shqiptare, teksa ata po mbyllin fazat e fundit të procesit, Brunilda shprehu se kjo do të ishte një mundësi shumë e mirë për kompanitë dhe ekonominë shqiptare.  

Për të marrë më shume informacion në lidhje me temat e diskutuara në këtë episod apo temat interesante në vijim mund të vizitoni faqen e Youtube të Business Magazine si dhe platformat e tjera sociale.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0