Ne të gjithë kemi bërë budalliqe pas shumë gotave (shisheve) me alkool dhe tani shkenca na thotë se ndoshta ju ndjeni më pak dhimbje pas disa pijeve.
Studimi, i publikuar në The Journal of Pain në dhjetor të vitit 2016, përfshiu 18 eksperimente me një total prej 404 pjesëmarrësish të cilët kapërcyen pragun e dhimbjes dhe testet e intensitetit bazuar në pije alkoolike dhe jo-alkoolike. Gjetjet e reja dolën në përfundimin se “alkooli është një analgjezik efektiv që sjell reduktime të rëndësishme në intensitetin e dhimbjes”.
Pika maksimale lidhet me nivelin e alkoolit në gjak (BAC) 0.08, që është gjithashtu kufiri ligjor i konsumit të alkoolit gjatë ngarjes së makinës. Abstrakti i studimit nuk detajon saktësisht se si ndodh kjo dhe nëse është e lidhur me receptorët e dhimbjes ose ndoshta vetëm nga fakti që ju jeni më të relaksuar nga prania e alkoolit.
Por studimi ka një anë të errët.
Ndërkohë që disa mund ta interpretojnë këtë si një gjë të mirë, vetë studimi vëren se mungesa e dhimbjeve, “mund të sjell keqpërdorimin e alkoolit te ata me dhimbje të vazhdueshme, pavarësisht pasojave të tij të mundshme për shëndetin afatgjatë”.
Megjithatë, konsumi i disa pijeve çdo ditë jo vetëm që do t’iu shtojë disa kile, por do të ndikojë negativisht edhe në pjesë të tjera të trupit tuaj dhe do të shkaktojë probleme të tjera për çështje të rëndësishme.
Pra jo çdo gjë që thotë shkenca duhet përqafuar… kështu që gëzuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English