Bill Gates shpjegon se profesioni i programimit do të jetë i pandryshueshëm dhe ndër profesionet që do të mbijetojnë përpos zhvillimit të inteligjencës artificiale. AI nuk është këtu për të marrë vendet e punës të programuesve, por është këtu për të transformuar mënyrën se si ata punojnë. Ata që do ta pranojnë AI-në si një mjet që i pasuron dijet e tyre do të zbulojnë mundësi të reja dhe aftësi të përmirësuara. Megjithatë, kjo kërkon adaptim: të mësohet për AI-në, të kuptohen kufizimet e saj dhe të përdoret strategjikisht.
Kur bëhet fjalë për inovacionin, pak njerëz janë aq vizionarë sa Bill Gates, i cili beson se programimi është një nga profesionet e pakta që nuk do të prekë zhvillimi i kësaj teknologjie.
AI ka hyrë në botën e programimit si një mjet i fuqishëm, duke ndryshuar mënyrën se si shkruhet dhe optimizohet kodi. Mjetet e fuqizuara nga AI si GitHub Copilot, mund të sugjerojnë linja kodi, madje edhe blloqe të tëra, ndërsa zhvilluesit i shkruajnë ato. Kjo kursen kohë për detyra përsëritëse si vendosja e funksioneve bazë ose rregullimi i gabimeve të zakonshme.
Lexo edhe: Nga vizion në veprim, si Evropa po punon që të kthehet në superfuqinë botërore të AI-së
Produktiviteti rritet pasi programuesit mund të përqendrohen më shumë në zgjidhjen e problemeve komplekse dhe kreative, ndërkohë që AI merr përsipër detyra si dokumentimi automatik ose testimi i njësive. AI gjithashtu mundëson që individët me pak përvojë teknike të shkruajnë kod funksional, çka mund të rrisë konkurrencën në tregun e punës, veçanërisht për pozitat junior.
Megjithatë, kjo nuk do të thotë se programuesit janë të zëvendësueshëm. AI ende ka nevojë për mbikëqyrje njerëzore për të siguruar që kodi të jetë i saktë, i sigurt dhe i efektshëm. Programuesit mbeten thelbësorë për projektimin e sistemeve, kuptimin e kërkesave dhe marrjen e vendimeve kritike.
AI nuk po ndryshon vetëm mënyrën se si bëhet programimi, por po krijon gjithashtu fusha dhe kërkesa të reja. Ka një kërkesë gjithnjë e më të madhe për programues që mund të ndërtojnë dhe trajnojnë modele AI, të punojnë me korniza si TensorFlow ose PyTorch dhe të optimizojnë algoritme.
Burimi: En-As.com / Përshtati: Businessmag.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
