Bill Gates thotë se presidenti amerikan Donald Trump gabon që e quan trajtimin e antitrupave monoklonalë një ‘kurë’ për COVID-19. Megjithatë, Gates pranon se është terapia më premtuese për momentin.
“Fjala ‘kurë’ është e papërshtatshme sepse nuk do të funksionojë për të gjithë. Por nga të gjithë terapeutikët, ky është më premtuesi”– tha themeluesi i Microsoft-it për NBC.
Antitrupat monoklonalë imitojnë antitrupa që sistemi imunitar prodhon natyrshëm për të luftuar viruset dhe patogjenët e tjerë.
Fondacioni i Bill dhe Melinda Gates ka qenë aktiv në kërkimet për një kurë të koronavirusit. “Ne kemi qenë duke punuar me kompanitë që bëjnë antitrupa. Ne rezervuam kapacitetin e fabrikës deri në pranverë dhe tani kemi partneritet me Eli Lilly, e cila me Regeneron, ka qenë më e shpejta për të bërë gati këto antitrupa” – shpjegoi Gates, transmeton Daily Mail.
“Ata mund të zvogëlojnë shkallën e vdekjes”, shtoi ai.
Javën e kaluar presidenti Donald Trump e quajti trajtimin me antitrupa si një kurë duke thënë se ai ndihej më mirë pasi i kishte marrë ato. “Ata i quajnë ata terapeutikë, por për mua nuk ishte terapeutik. Unë e quaj këtë një kurë. Është një kurë.”– tha Trump.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English