Bill Gates dhe Richard Branson kundër vrasjes së kafshëve. Ja një zgjidhje më e mirë

Bill Gates dhe Richard Branson kundër vrasjes së kafshëve. Ja një zgjidhje më e mirë.


Cargill Inc., një nga kompanitë agrokulturore më të mëdha në botë është bashkuar me Bill Gates dhe gjigand të tjerë në fushën e biznesit për të investuar në një teknologji të re e cila prodhon mish nga qelizat e kafshëve vetë-prodhuese, si pasojë e kërkesës gjithmonë e në rritje të konsumatorëve për proteina që varen më pak nga ushqimi, toka dhe uji.

Memphis Meats, i cili prodhon mish viçi, pule dhe rose direkt nga qelizat e kafshëve pa therur bagëtinë apo shpendët, ka mbledhur 17 milionë dollarë nga inevstitorët si Cargill, Gates dhe miliarderi Richard Branson.

Mbledhja e fondeve u drejtua nga firma sipërmarrëse DFJ, e cila më parë ka mbështetur disa startupe sociale me pakicë.

“Jam shumë i lumtur që kam investuar në Memphis Meats,” tha Branson. “Unë besoj se brenda 30 vitesh ne nuk do të kemi nevojë të vrasim kafshët dhe i gjithë mishi do të jetë i pastër ose me përbërje bimore, me të njëjtën shijë dhe më i shëndetshëm për të gjithë.”

Kjo lëvizje po ndodh përmes rritjes së kërkesës për prodhime organike, duke u fokusuar në ushqimin që konsiderohet i qëndrueshëm dhe një vëmendje më e madhe për trajtimin e kafshëve. Përpunuesit e mëdhenj të shpezëve dhe blegtorisë kanë filluar të marrin alternativa ndaj mishit tradicional.

“Të gjithë botës i pëlqen të hajë mish dhe kjo është thelbësore për shumë kultura,” tha Uma Valeti, bashkëthemeluesja e Memphis Meats. “Mënyra se si prodhohet mishi tradicional krijon sfida për mjedisin, mirëqenien e kafshëve dhe shëndetin e njeriut. Këto janë probleme që të gjithë dëshirojmë ti zgjidhim.”

‘Mish i Pastër’

Deri më sot, Memphis Meats ka grumbulluar 22 milionë dollarë, duke sinjalizuar një angazhim ndaj “lëvizjes mish-i pastër,” tha kompania.

“Ne besojmë se konsumatorët do të vazhdojnë të dëshirojnë mishin dhe ne synojmë ta sjellim atë në tavolinë, në mënyrë të qëndrueshme dhe me kosto efektive sa mundemi. Mishi i kultivuar dhe mishi i prodhuar në mënyrë konvencionale do të luajnë një rol në përmbushjen e kësaj kërkese”, tha Sonya Roberts, presidente e zhvillimit të sipërmarrjeve në Cargill Protein.

/Bloomberg

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0