Bill Gates bleu Porsche në vend të Tesla, Elon Musk e quan atë “zhgënjim”
Përditësuar së fundmi: 18/02/2020

Bill Gates bleu Porsche në vend të Tesla, Elon Musk e quan atë “zhgënjim”

Share
nga Melsena Danglli
Shk 18, 2020

Elon Musk nuk është i impresionuar nga sipërmarrësi miliarder Bill Gates. Pasi Gates tha se bleu një makinë elektrike Porsche Taycan, CEO-ja i Teslës bëri një postim në Twitter për të hedhur hije ndaj bashkë-themeluesit të Microsoft.

“Bisedat e mia me Gates kanë qenë zhgënjyese, për të qenë i sinqertë”, shkruan Musk në Twitter.

Gates zbuloi blerjen e tij në një intervistë me Marques Brownlee, i cili është shumë i ndjekur në YouTube. Brownlee, duke përmendur Tesla-n, e pyeti miliarderin mbi përpjekjet që janë bërë ndaj ndryshimeve klimatike, duke përdorur produkte të energjisë së pastër siç janë makinat elektrike.

64-vjeçari u përgjigj duke thënë se makinat elektrike do të jenë gjithmonë më mbrapa makinave me gaz, por këto makina janë një nga faktorët “më shpresëdhënës” përsa u përket alternativave miqësore me mjedisin.  “Sigurisht, nëse duhet të them një emër kompanie që po ndihmon për këtë, është Tesla”, tha Gates. Por ai nuk ka blerë ende një nga makinat e kompanisë. “Unë sapo kam blerë një Porsche Taycan”, u shpreh ai.

“Më duhet ta them, është një makinë me çmim premium, por është shumë e lezetshme”, shton Gates. “Kjo është makina ime e parë elektrike dhe po kënaqem shumë me të”.

Taycan Turbo e Porsche kushton 150.900 dollarë në shitjet me pakicë në Amerikë, ndërsa Turbo S kushton 185.000 dollarë. Edhe makinat e Tesla-s janë të njohura për çmimet e shtrenjta, por të paktën new entry-level Model 3 ka një çmim shumë më të ulët prej 39.490 dollarësh. Musk reagoi ndaj blerjes së Gates duke iu përgjigjur një përdoruesi në Twitter, i cili pyeste pse bashkëthemeluesi i Microsoft “vendosi të blinte Taycan në vend të një Tesla”.

Nuk është hera e parë që Musk sfidon një nga miliarderët e teknologjisë në Twitter. Shefi i Tesla-s sfidoi qëndrimin optimist të Mark Zuckerberg lidhur me inteligjencën artificiale në vitin 2017, duke pretenduar se “kuptimi i Zuckerberg për këtë temë ishte  i kufizuar”.

CNBC

Subscribe në kanalin tonë në YouTube


Evente