Bill Gates nuk është fans i kriptomonedhave. Këtë e ka treguar ditën e martë në sektorin pyetje-përgjigje në Reddit.
Bashkëthemeluesi i Microsoft ka shprehur besimin e tij se anonimati që qëndron pas kriptomonedhave nuk është “diçka e mirë, duke shtuar se shoqëria përfiton kur qeveritë identifikojnë pastruesit e parave, njerëzit që ju shmangen taksave dhe njerëzit që financojnë terroristët.
“Tipari kryesor i kriptomonedhave është anonimiteti. Unë nuk mendoj se kjo është një gjë e mirë. Aftësia e qeverive për të zbuluar evazionet fiskale, pastrimet e parave dhe financimet e terrorizmit është ajo që i shërben një shoqërie,” shkruan Gates.
Gates gjithashtu tha se kriptomonedhat kanë shkaktuar shumë vdekje në një mënyrë të drejtëpërdrejtë, duke marrë parasysh se sa lehtë blihet drogë online duke përdorur monedhat dixhitale.
Lexoni: Warren Buffett flet për Bitcoin: ‘Do të ketë një fund të keq’
“Në këto momente kriptomonedhat përdoren për të blerë Fentanyl dhe drogëra të tjera, pra kjo është një teknologji e çuditshme që ka shkaktuar vdekje në një mënyrë të drejtëpërdrejtë,” shkruan ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
