Bien të ardhurat, rriten kontrollet për informalitet


Delina Ibrahimaj, ish drejtore e INSTAT, tani do drejtojë Tatimet. Kryeministri Edi Rama e prezantoi para medias, ku lajmëroi rritjen e kontrollit për informalitetin.

Rama tha se është koha për të treguar se toleranca për informalitet do të jetë zero. Fakti që nga 112 mijë kasa të shpërndara në të gjithë vendin, 15 mijë prej tyre nuk raportojnë edhe pse bizneset që i zotërojnë ato janë me status aktiv, është fakt absurd, tha ai.  Sipas tij, nën monitorim do të jenë edhe faturat e bizneseve nëpërmjet bankave, që të mos ketë fatura fiktive.

Sipas tij, moduli i riskut ka zbuluar mbi 6 mijë subjekte me risk, ku rreth 200 prej tyre janë në sektorin e akcizës. Kjo për kryeministrin ka vetëm një emër: ç’organizim.

“Pse kompanitë e kasave nuk gjobiten. Është ngritur një sistem risku që konsiderohet funksional në tatime së bashku me FMN-në dhe është model edhe për vendet e tjera. Ka vetëm një motiv për rezultatet e pamjaftueshme: Çorganizim dhe anarki brenda administratës ku janë rishfaqur fenomene e dikurshme të aktiviteteve kriminale për qëllime korruptimi”, – tha kryeministri.

Lexo: Tatimet u dërgojnë letër bizneseve. Deklaroni të ardhurat

Për të është i pa falshëm fakti që ka biznese në jug të vendit, që harxhojnë për reklamim deri në 550 euro në natë dhe nuk kontribuojnë në tatime. Më tej ai lajmëroi se do të hapen aplikimet për 200 studentë, të cilët do të angazohen për të komunikuar me biznesin dhe ndihmuar në terren kah punonjësve të tatimeve.

“Cigaret dhe karburantet e kemi thënë vazhdimisht që kërkojnë një njehsim të integruar kontrollesh nga tatimet dhe doganat, pasi ato përbejnë 40% të të ardhurave doganore dhe çdo rrjedhje në ketë artikuj ka impakt në buxhet. Skemat e mashtrimit të TVSH tek ndërtimi nuk janë eliminuar  edhe pse janë zbuluar”,-  tha kryeministri.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale