Tkurren sipërfaqet e mbjella me perime dhe ushqim për kafshët

Tkurren sipërfaqet e mbjella me perime dhe ushqim për kafshët


Prej muajsh një kilogram patate në pikat e shitjes së perimeve tregohet me rreth 90 lekë, ose 50% më shtrenjtë se e njëjtja periudhë e një viti më parë.

Reshjet e shumta të shiut patën paralajmëruar dëme në prodhimin e kulturave të mbjella në pranverë. Vetë fermerët raportonin se dëmi më i madh në bujqësi ishte shtyrja e të mbjellave.

Tashmë kur ka kaluar gjysma e vitit, shirat që sollën më shumë prodhim të energjisë elektrike, e një blianc më të mirë të Shqipërisë në eksporte, tregojnë se bujqësinë nuk e kanë favorizuar.

Sipas të dhënave të Ministrisë së Bujqësisë, sipërfaqet e mbjella në gjysmën e parë të këtij viti, janë më të ulëta për patatet, misrin, foragjeret e perimet e fushës.

Sipas këtyre të dhënave, sipërfaqja e mbjellë me patate ishte 9.7 mijë hektarë, rreth 5% më pak se një vit më parë. Me gati 5% u tkurr edhe sipërfaqja e mbjellë me perime në fushë të hapur, ndërsa serat nuk patën luhatje. Perimet e mbjella në fushë këtë vit arrijnë në 28.7 mijë hektarë.

Mbjelljet e kufizuara krahasuar me një vit më parë, kanë ndikuar në rritjen e çmimeve të disa kulturave bazë. Krahas patates, edhe domatet, trangujt e bishtajoret kanë një çmim më të lartë se vjet.

Por, nuk përjashtohet mundësia e rritjes edhe më vonë të çmimit tek prodhimet shtazore. Drithërat dhe foraxheret e mbjella shënuan ulje të dukshme, çka paralajmëron më pak lëndë të parë për bagëtinë. Ministria e Bujqësisë raporton për Businessmag.al se sipërfaqja e mbjellë me misër këtë vit është gati 54.5 mijë hektarë, ose rreth 5 % më pak se një vit më parë.

Për foragjeret, sipërfaqja e mbjellë është gati 10% më pak se një vit më parë (50.7 mijë hektarë).

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0