“Ajo që ka ndodhur në Shqipëri në vitet e fundit është një interesim në rritje i individëve dhe kursimtarëve drejt letrave me vlerë të qeverisë, instrumenta financiarë që ofrojnë një likuiditet të pranueshëm, por ofrojnë mbi të gjitha edhe një normë më të lartë interesi apo kthimi”, u shpreh më tej Erald Themeli. Sipas bankës, ulja e interesave edhe për kreditë ka sjellë përfitime jo të vogla për ekonominë, duke filluar nga rritja e kreditimit në lekë.
“Lehtësimi i kredisë në lekë për të gjithë kredimarrësit, qoftë të vjetër apo edhe të rinj, i ka kursyer ekonomisë shqiptare 10 miliardë lekë në vit. Kjo ka dy faktorë pozitivë. Së pari, bizneseve në vështirësi financiare iu mundëson të vazhdojnë të operojnë normalisht dhe të paguajnë detyrimet e tyre ndaj bankave. Ndërsa bizneseve në një gjendje më të mirë e më të shëndetshme, së dyti, u ka kursyer parà që i kanalizojnë në investime apo punësim”, deklaroi Erald Themeli. Sipas INSTAT-it, në dy vitet e fundit thuajse e gjithë rritja ekonomike ka ardhur nga investimet, ndërsa konsumi ka qenë më i ndrydhur.
Burimi: acp.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
