Bie volumi i transportit të mallrave. Shenjat e para të ngadalësimit të konsumit - Business Magazine Albania

Bie volumi i transportit të mallrave. Shenjat e para të ngadalësimit të konsumit

Konsumi në vend po bie. Edhe pse tregtia e jashtme ka shënuar rekorde në vlerë, shifrat e transportit tregojnë se sasia e mallrave që ka hyrë në vend është ulur në krahasim me një vit më parë.

Në muajin prill trendi rënës i sasisë së mallrave në porte dhe hekurudha ka vazhduar. Për prillin rënia në porte është 5.7%, ndërsa për 4-mujorin e parë të vitit ulja arrin në 6.9%.

Rënie ka edhe transporti i mallrave nëpërmjet hekurudhës, por ajo detare ndjehet më shumë pasi përbën gjysmën e transportit të mallrave që vijnë në vend. Në Shqipëri po vijnë më pak materiale ndërtimi, çmimet e të cilave janë rritur për shkak të luftës, ndërsa rënie sipas shifrave nga Doganat ka pësuar edhe sasia e naftës. Qeveria mori një vendim për të kompensuar 30% lëndën e parë të kompanive në projektet e rindërtimit, në mënyrë që investimet publike të mos ndaleshin.

Lexo edhe: BB: Lufta në Ukrainë frenon rritjen ekonomike në Shqipëri dhe rajon

Ulja e sasisë së mallrave dhe rrjedhimisht ajo e konsumit në vend është një faktor shqetësues, pasi ky zë është kryesor sa i përket rritjes së prodhimit të brendshëm në vend. Ministria e Financave parashikon që rritja ekonomike të jetë në nivelin 3.2%, por inflacioni i lartë dhe rëndimi i mëtejshëm I krizës energjitike mund ta përkeqësojë këtë tregues.

Ndërkohë nga shifrat e transportit, i vetmi sektor ku vendi ynë po performon mirë në katër muajt e parë të vitit është fluksi i pasagjerëve. Rritjen më të fortë e ka pësuar transporti i pasagjerëve nga ajri, ndërsa numri i fluturimeve është rritur me 2.5 herë.Ndërkohë edhe nga deti ka pasur një tendencë të tillë, me pasagjerët në tragete, që kanë ardhur me 76% rritje nga një vit më parë.

Kjo shihet edhe nga shifrat e hyrjes së shtetasve të huaj që në muajin prill i janë përafruar vitit 2019, që mbahet si viti më i mirë për hyrjen e shtetasve të huaj në vend.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0