Le të jemi të ndershëm me Ju, me zor e pritëm këtë moment që ti hidhnim një sy produktit tonë që nga momenti që e ngjizëm. Prandaj shfrytëzoni këtë rast për ti hedhur edhe Ju një sy më të mirave (Best of…) të 5 edicioneve të para të realizuara me dedikim të revistës së parë online “Business Magazine Albania”. Ajo ju njeh me lajmet më të fundit nga fusha e biznesit dhe mbi të gjitha mbi startup-et që është sot në botë kryefjala e zhvillimit të kombeve.
Në këtë përvojë të parë kemi pasur kënaqësinë të njohim figura të rëndësishme të sipërmarrjes dhe të shkëmbejmë me ta këndvështrime me vlerë për Startup të një biznesi, zhvillimin e një karriere, kulturën e organizatës, lidershipin dhe suksesin.
Duke shpresuar që me 5 edicionet e para kemi arritur të tërheqim vëmendjen tuaj dhe të komunitetit të profesionistëve po ju dhurojmë:
http://businessmag.al/revista/best-of-edicioni-nr-1-i-biznesit-ne-shqip/
Ndajmë me ju dëshirën që ta zhvillojmë këtë produkt më tej duke iu shërbyer juve dhe atyre që aspirojnë të hedhin hapat e parë drejt Sipërmarrjes.
Misioni ynë është të ”Ndajmë njohuritë dhe Përvojat e njerëzve brenda Biznesit” ndaj shkarkojeni këtë Edicion të parë të Biznesit dhe ndajeni kudo me miqtë dhe kolegët.
Le ta bëjme pjesë të Bibliotekës tonë personale!
Ky është gjithashtu një moment edhe për të reflektuar për mënyrat dhe strategjitë e reja për ta zhvilluar këtë produkt edhe më tej sepse teknologjia dhe kushtet e tregut e kërkojnë një gjë të tillë natyrshëm.
Ne nuk mund të harrojmë t’ju falenderojmë që na ndoqët në këtë start emocionues të Business Magazine Albania dhe urojmë të na ndiqni me kaq zell edhe në muajt në vijim.
Duke ju uruar të kaloni një verë të bukur, ju lutemi ndani me ne sugjerimet apo idetë tuaja duke na shkruar në info@businessmag.al ose në blogun e BusinessMag: http://businessmag.al/blogs/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
