BERZH mbështet Raiffeisen në Shqipëri për rritjen e kreditimit të sipërmarrjeve mikro, të vogla dhe të mesme - Business Magazine Albania

BERZH mbështet Raiffeisen në Shqipëri për rritjen e kreditimit të sipërmarrjeve mikro, të vogla dhe të mesme

BERZH

Banka Europiane për Rindërtim dhe Zhvillim (BERZH) dhe Raiffeisen Bank në Shqipëri  bashkohen sërish për të nxitur financimin e sipërmarrjeve mikro, të vogla,  dhe të mesme në Shqipëri.

BERZH do të ofrojë një garanci prej 65 milionë euro për Raiffeisen Bank në Shqipëri në monedhën vendase të lidhur me portofolin e bankës në vend. Kapaciteti shtesë që do të gjenerojë garancia do t’i mundësojë bankës Raiffeisen alokimin e financimeve të reja për sipërmarrjet mikro, të vogla dhe të mesme në Shqipëri duke rritur mbështetjen në ekonomi. 10 për qind e fondeve të reja do të përdoren për financime të gjelbra në përputhje me qasjen e BERZH për Tranzicionin drejt Ekonomive të Gjelbra (GET).

Garancia e re shtesë do të ofrohet nën skemën inovative të BERZH, Garanci për Rritje, që bazohet në suksesin e nismës së parë të prezantuar në fund të vitit 2020 përmes një programi prej 100 milionë euro në monedhën vendase për Raiffeisen Bank në Shqipëri.

Ekaterina Solovova, Drejtoreshë e BERZH në Shqipëri tha: “Qasja në financime për bizneset e vogla dhe të mesme përmes bashkëpunimit me bankat në vend është një nga prioritetet e BERZH në Shqipëri. Ne jemi të lumtur për këtë partneritet me Raiffeisen Bank në Shqipëri për të mbështetur bizneset e vogla përfshirë dhe investimet e tyre për energjinë e gjelbër.”

Christian Canacaris, Drejtor i Përgjithshëm i Raiffeisen Bank në Shqipëri tha:“ Pas suksesit të nismës së parë të Garancisë për Rritje me BERZH , e cila rriti potencialin tonë huadhënës në treg, ne jemi të lumtur të nënshkruajmë një garanci shtesë prej  65 milionë euro. Kjo garanci do të rrisë financimet e gjelbra dhe do të ndikojë në zhvillimin e qëndrueshëm në vend. Ne e vlerësojmë këtë marrëdhënie të shkëlqyer e afatgjatë me BERZH dhe besojmë në vazhdimësinë e saj. ”

Lexo: Inovacioni te të rinjtë e shkollave të mesme: Panairi i kompanive të nxënësve nga Junior Achievement of Albania

Projekti është në përputhje me programin e bashkëpunimit teknik të dedikuar të BERZH me Bankën e Shqipërisë, i cili përqëndrohet në përafrimin e kuadrit rregullator me atë të bankave të Bashkimit Europian. Programi mbështetet nga  Luxembourg – Official Development Assistance (ODA) Technical Co-operation Fund dhe forcon përpjekjet e bëra në kuadër të Vienna Initiative ku BERZH është aktive në ruajtjen e stabilitetit financiar përmes promovimit të përafrimit të kuadrit rregullator të bankave me praktikat më të mira ndërkombëtare.

Raiffeisen Bank është banka e dytë më e madhe në Shqipëri për portofolin e huave, me 16.6 për qind të tregut dhe me shërbime në të gjithë vendin. Pjesë e grupit austriak Raiffeisen Bank International AG.

Deri më sot, BERZH ka investuar mbi 1.8 miliardë euro në Shqipëri.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0