BERZH financon OTP Bank me 5 milionë euro për të mbështetur SME-të - Business Magazine Albania

BERZH financon OTP Bank me 5 milionë euro për të mbështetur SME-të

BERZH financon OTP Bank

Banka Europiane për Rindërtim dhe Zhvillim (BERZH) do të ofrojë një hua prej 5 milionë euro për OTP Bank Albania për të përmirësuar konkurueshmërinë për bizneset e vogla dhe të mesme në vend, si përgjigje ndaj pasojave të rënda të shkaktuara nga pandemia e koronavirusit  në ekonominë vendase dhe rajonale.

Programi është pjesë e një nisme më të madhe të BERZH dhe BE për të mbështetur SME-të në Ballkanin Perëndimor. Sipërmarrjet mund të përfitojnë nga huatë për të investuar në përmirësimin e linjave të prodhimit dhe paisjeve si dhe për të rritur standardet drejt përafrimit me BE për cilësinë e produktit, sigurinë dhe aspekte të tjera të ngjashme e për t’u bërë më të qëndrueshëm dhe konkurues në tregjet vendase dhe ato të jashtme.

Krahas kësaj, SME-të mund të përfitojnë asistencë teknike të personalizuar për të përgatitur projektet, si dhe incentiva në formë grantesh me vlerë deri më 15% të totalit të huasë pas përfundimit të suksesshëm të projekteve. Asistenca teknike dhe grantet do të jenë të financuara nga fondet e Bashkimit Europian.

Matteo Colangeli, Drejtor i BERZH në Shqipëri tha: “ Ne jemi shumë të lumtur të prezantojmë programin për Konkurueshmërinë e SME-vë në Shqipëri dhe të rrisin partneritetin tonë me OTP Bank. Pas implementimit të suksesshëm në vende të tjera të rajonit, ne jemi të sigurt se programi do t’i ndihmojë SME-të shqiptare për përafrimin me standardet e BE, përmirësimin e performancës së tyre dhe rritjen e konkurueshmërisë vecanërisht në tregjet e eksportit.

Luigi Soreca, Ambasador i BE në Shqipëri tha: “Programi i BERZH dhe BE për Konkurueshmërinë mbështet SME-të në Ballkanin Perëndimor. Ai përfaqëson një hap të mëtejshëm për SME-të shqiptare në rrugëtimin e tyre drejt një ekonomie konkuruese të bazuar tek ekspertiza e njohurive. Përgatitja teknologjike dhe sofistikimi i bizneseve janë  shtysa të rëndësishme drejt rritjes së standardeve ndaj BE është e lumtur të ofrojë ndihmën e saj.“

Bledar Shella, Drejtor i OTP Bank Albania tha: “Mbështetja e sipërmarrjeve të vogla dhe të mesme (SME) në vend ka qenë dhe do të vazhdojë të jetë një zgjedhje strategjike e OTP Bank Albania. Kur programet, si ky që prezantojmë sot, me mbështetjen e BERZH paraqiten si mundësi, angazhimi ynë për t’u dhënë jetë është maksimal. Ne kemi besuar gjithnjë se potenciali i sipërmarrjeve shqiptare në segmentin e SME-ve është shumë i madh dhe mundësitë për t’u bërë konkurues në tregjet e huaja nuk mungojnë tani. Sot u formalizua pikërisht kjo qasje që synon të përforcojë dhe lehtësojë Programin e Konkurueshmërisë midis SME-ve”.

Lexo: OTP Bank është duke kërkuar partnerë të rinj për startup 

Deri më sot BERZH ka investuar 1. 4 miliardë Euro në 100 projekte në Shqipëri. Strategjia e Bankës në vend fokusohet tek qeverisja, konkurueshmëria e sektorit privat, përfshirja, diversifikimi i energjisë dhe tranzicioni drejt minimizimit të emetimeve të karbonit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0