Presidenti Bajram Begaj ka dekretuar 7 ligjet e Paketës Fiskale për vitin 2026, duke i dhënë vulën përfundimtare dy nismave kyçe të debatueshme të Paqes Fiskale: ligjit për fshirjen e borxheve tatimore dhe doganore dhe ligjit për “Marrëveshjen e Paqes”.
Sipas ligjit të fshirjes së borxheve, administrata tatimore dhe ajo doganore duhet të pastruar bilancet duke hequr çdo borxh të krijuar para 31 dhjetorit 2014. Nga kjo nismë përfitojnë më shumë se 200 mijë biznese debitorë, ndërsa shuma totale e detyrimeve të papaguara arrin rreth 2.1 miliardë euro.
Ligji i Marrëveshjes së Paqes lejon negociimin e fitimit midis administratës tatimore dhe biznesit për vitin 2026 dhe më tej. Ai u mundëson bizneseve të korrigjojnë pasqyrat financiare të 5 viteve të fundit dhe të rrisin deklarimet.
Në kuadër të Paketës Fiskale, presidenti ka dekretuar gjithashtu ligjin për procedurat tatimore, që për herë të parë kufizon pagesat në cash për qytetarët në 500 mijë lekë dhe për bizneset nga 150 mijë në 100 mijë lekë.
Lexo edhe: Ke fëmijë nën 18 vjeç? Ja si përfiton 100 mijë lekë rimbursim
Ligji për sistemin e taksave vendore përjashton nga taksa e ndikimit në infrastrukturë të gjitha investimet publike në arsim, shëndetësi dhe mbrojtje sociale të financuara nga buxheti qendror dhe vendor.
Ndër ligjet e tjera të Paketës, janë dekretuar:
- Ligji për faturën dhe sistemin e monitorimit të qarkullimit,
- Ndryshimet në ligjin për tatimin mbi të ardhurat, duke përfshirë lehtësira për sponsorizimet sportive dhe kërkimin shkencor, dhe detyrimin për bizneset online të publikojnë NIPT-in në faqet e tyre,
- Ligji i TVSH-së, që parashikon kompensim të faturave për fermerët me 10%.
I vetmi ligj i paketës që tashmë është botuar në Fletoren Zyrtare është ai i rivlerësimit të pasurive të paluajtshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
