BE për Bashkitë” përmbylli dje një rrugëtim 3-vjeçar në mbështetje të 19 Bashkive shqiptare. Me mbështetjen financiare të Bashkimit Evropian, ky projekt ndikoi drejtëpërdrejtë në komunitetet vendore, përmes ndërhyrjeve infrastrukturore, përmirësimit të shërbimeve dhe ngritjen e kapaciteteve në nivel vendor.
Ambasadori i Bashkimit Evropian, Silvio Gonzato në fjalën e mbajtur, ndër të tjera u shpreh: “Roli i pushtetit vendor në procesin e integrimit në BE është jashtëzakonisht i rëndësishëm. Përafërsisht 70% e zbatimit të të gjithë legjislacionit të BE-së dhe standardeve të BE-së ndodh në nivel lokal. Kështu, autoritetet vendore bëhen mbrojtëse të standardeve të BE-së në nivel lokal. Për ta bërë këtë me sukses, ata duhet të rrisin kapacitetin e tyre për të absorbuar fondet e BE-së, për të forcuar bashkëpunimin ndërbashkiak dhe rajonal dhe për t’u angazhuar me shoqërinë civile, sipërmarrësit, grupet rinore dhe komunitetet lokale.
Lexo edhe: AI Appreciation Day: Celebrating the Power of AI [Event rrjetëzimi]
Kjo është arsyeja pse BE-ja ka mbështetur 19 bashki me grante investimi në vlerë prej 1.7 milionë euro, në përputhje me nevojat e qytetarëve vendas. Rezultatet kanë pasur një ndikim transformues, duke ngritur kapacitetet e stafit bashkiak, duke ofruar gjithashtu infrastrukturë dhe shërbime të përmirësuara në arsim, përfshirje sociale, kulturë, mbrojtjen e mjedisit, fuqizimin e të rinjve dhe zhvillimin ekonomik lokal për qytetarët.”.
Po ashtu, Ambasadori Gonzato njoftoi se mbështetja e BE-së për qeveritë vendore do të vazhdojë me një buxhet të rritur ndjeshëm prej 10 milionë euro për fazën tjetër të programit EU4MUNICIPALITIES, i cili duhet të fillojë në vitin 2025 dhe të sigurojë grante shtesë në dobi të Bashkive dhe qytetarëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
