Parlamenti Europian i ka dhënë dritën jeshile certifikatës së vaksinimit, duke miratuar lëvizjen e lirë në BE pavarësisht nga pandemia e koronavirusit. Këto certifikata do të jenë të vlefshme dhe për qytetarët e Ballkanit Perëndimor. Megjithatë do të jetë në dorën e secilit vend anëtar nëse do të lejojnë udhëtimin e qytetarëve të vaksinuar me vaksinat kineze ose ruse, si në rastin e Shqipërisë, e cila filloi vaksinimin masiv me dozat e Sinovax.
Eurodeputetët ranë dakord që “certifikatën e re e BE-së për Covid-19” duhet të hyjnë në fuqi për një maksimum prej 12 muajsh. Dokumenti, i cili do të jetë në dispozicion në formë dixhitale ose të printuar, do të vërtetojë që një person ose është vaksinuar kundër koronavirusit, ka një tampon negativ pas një testi të fundit, ose ka kaluar Covid-19. Sidoqoftë, këto certifikata nuk do të jenë kusht për ushtrimin e së drejtës së lëvizjes së lirë, theksojnë eurodeputetët.
Propozimi legjislativ për shtetasit e BE u miratua me 540 vota kundër dhe 119 me 31 abstenim, ndërsa propozimi për shtetasit e vendeve të treta u miratua me 540 vota pro dhe 80 me 70 abstenime. Sipas Parlamentit, mbajtësit e kësaj certifikatë nuk duhet t’i nënshtrohen kufizimeve shtesë të udhëtimit, të tilla si karantina, vetë-izolimi ose testimi. Eurodeputetët theksojnë gjithashtu që, për të shmangur diskriminimin e mundshëm ndaj atyre që nuk janë vaksinuar apo testuar për arsye ekonomike, vendet e BE duhet “të sigurojnë që të kryhen tamponë falas për të gjithë qytetarët”.
Ashtu siç edhe ishte paralajmëruar, parlamenti e ka lënë në dorën e vendeve anëtare nëse duan të pranojnë apo jo qytetarë të vaksinuar me vaksinat ruse ose kineze. Shtetet Anëtare duhet të pranojnë certifikatat e vaksinimit të lëshuara në Shtetet e tjera Anëtare për personat e vaksinuar me vaksina të miratuara nga Agjencia Europiane e Barnave (EMA) në BE (aktualisht ato të Pfizer / BioNTech, Moderna, AstraZeneca), theksojnë eurodeputetët. U takon Shteteve Anëtare të vendosin nëse ata do të pranojnë gjithashtu certifikata vaksinimi të dhëna nga shtete të tjera anëtare në lidhje me vaksinat në listën e Organizatës Botërore të Shëndetësisë (OBSH) për përdorim emergjent.
Certifikatat do të kontrollohen për të parandaluar mashtrimet dhe falsifikimet, ndërsa vërtetësia e vulave elektronike të përfshira në dokument gjithashtu do të kontrollohet. Të dhënat personale të përfshira në certifikata nuk do të mund të ruhen në vendet ku do të udhëtojnë qytetarët dhe asnjë bazë qendrore e të dhënave nuk do të vendoset në nivelin europian.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
