Bashkimi Evropian ka akorduar 4 milion euro për vendin tonë, në fushën e shëndetësisë në luftën kundër COVID-19.
Ambasadori i BE-së, Soreca gjatë fjalës së tij u shpreh se, ky donacion do të përdoret për furnizime mjekësore të menjëhershme dhe është pjesa e parë e 50 milionë eurove që BE do të ofrojë për mbrojtje dhe mbështetje sociale, si dhe për të zvogëluar ndikimin e krizës mbi vendet e punës dhe ekonominë.
Kjo ndihmë për Shqipërinë është një reagim i shpejtë për të luftuar një armik të përbashkët si Covid-19,” u shpreh Ministrja e Shëndetësisë dhe Mbrojtjes Sociale, Ogerta Manastirliu, gjatë komunikimit online me Ambasadorin e BE-së në Shqipëri, z. Luigi Soreca dhe Koordinatorin e OKB-së në Shqipëri, Brian Williams.
Lexoni: Prej pandemisë Covid-19, Toka po dridhet më pak
Në mesin e pajisjeve të financuara nga Bashkimi Evropian do të ketë: skanerë CT, ventilatorë, ambulanca plotësisht të pajisura, që shpëtojnë jetë për sigurimin e transportit dhe ndihmës së parë për rastet më të rënda, aparate portative digjitale për ekzaminime me rreze x, radiografi digjitale, dhe pajisje moderne për kujdesin intensiv.
BE-ja do të sigurojë gjithashtu shtretër plotësisht të pajisur për Njësitë e Kujdesit Intensiv, si dhe materiale mbrojtëse dhe dezinfektantë për punonjësit dhe operatorët e kujdesit shëndetësor që janë në vijën e parë të betejës së përditshme.
Lexoni: COVID-19, Izolim i plotë edhe këtë fundjavë
“Situata evoluon me shpejtësi në terren. Kjo është arsyeja pse mbështetja e BE-së është krijuar për të qenë fleksibël, për të garantuar një reagim të shpejtë dhe efikas në rast të nevojave dhe emergjencave që ndryshojnë me shpejtësi. Ne po shqyrtojmë gjithashtu mënyrat e mundshme për të mbështetur operatorë të tjerë thelbësorë të vijës së parë, siç është policia. Por tashmë programi i BE-së për zbatimin e ligjit, PAMECA, po siguron komplete mbrojtëse për policinë”, deklaroi z. Soreca.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
