Bashkimi Evropian kërkon përgjigje nga TikTok për versionin e rekomanduar "money-for-views" - Business Magazine Albania

Bashkimi Evropian kërkon përgjigje nga TikTok për versionin e rekomanduar “money-for-views”

TikTok

TikTok i është dhënë 24 orë për t’iu përgjigjur Komisionit Evropian për një version të aplikacionit që paguan përdoruesit për shikimin e videove.

Komisioneri evropian Thierry Breton e ka krahasuar atë me idenë e cigareve “të lehta”, duke pyetur nëse ishte po aq “e varur dhe toksike”.

TikTok tha në një deklaratë se do t’i përgjigjet kërkesës për informacion. Ai tha se aktualisht nuk ka plane për të lançuar aplikacionin Lite në vende të tjera në Evropë. Një version i pakësuar i platformës normale, veçoria Task & Rewards e Lite u paguan përdoruesve ekuivalentin e disa monedhave në ditë për të parë video dhe për t’u angazhuar në aplikacion.

Komisioni Evropian i ka kërkuar TikTok detajet e vlerësimit të rrezikut që ka kryer përpara se të lançonte funksionin. Shqetësimet lidhen me ndikimin tek fëmijët, shëndetin mendor dhe varësinë. Komisioni ka deklaruar se kërkon informacion për masat që platforma ka vendosur për të zbutur rreziqe të tilla dhe ka dhënë një afat deri më 26 prill.

Nën funksionin Task & Rewards, përdoruesit mund të fitojnë monedha për “detyra” të tilla si shikimi, pëlqimi ose shpërndarja e videove.

Sipas TikTok, koha maksimale ditore e ekranit e pranueshme për shpërblime është një orë, ndërsa përdoruesit nuk do të jenë në gjendje të fitojnë më shumë se rreth 1 € (0,85 £) në ditë. Përdoruesit gjithashtu do të duhet të dëshmojnë se janë mbi 18 vjeç në mënyrë që të fitojnë shpërblime.

Sipas gazetës franceze Le Monde , e cila ka testuar këtë veçori, përdoruesit mund të fitojnë shpërblime vetëm në videot e sugjeruara nga burimet e tyre algoritmike dhe jo videot që ata kërkojnë në mënyrë specifike.

“Përdoruesit nuk kanë zgjidhje. Vetëm shikimi i përmbajtjes së propozuar nga aplikacioni shpërblehet”, është shkruajtur ne gazetën Le Monde.

Raporti gjithashtu e krahasoi veçorinë me një lojë video, duke u dhënë lojtarëve të saj shpërblime sipas aktivitetit të tyre për t’i mbajtur ata të kthehen.

Akti i Shërbimeve Dixhitale të BE-së , i cili hyri në fuqi vitin e kaluar, i dha bllokut më shumë fuqi për të përballuar kompanitë e mëdha të teknologjisë. Pikërisht sipas këtyre ligjeve të reja Komisioni ka kërkuar përgjigje nga TikTok. Në shkurt, Komisioni hapi procedime zyrtare kundër kompanisë së mediave sociale, duke hetuar nëse ajo kishte thyer rregullat, duke përfshirë ato për mbrojtjen e të dhënave, mbrojtjen e fëmijëve dhe kontrollimin e përmbajtjeve të dëmshme.

Në atë kohë, TikTok tha se do të bashkëpunonte me hetimin dhe do të vazhdonte të punonte me ekspertë në sigurinë në internet.

bbc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0