Bashkimi Europian jep 40 milionë euro për promovimin e turizmit shqiptar - Business Magazine Albania

Bashkimi Europian jep 40 milionë euro për promovimin e turizmit shqiptar


Aeroporti i Tiranës “Nënë Tereza” u përzgjodh për lancimin e fushatës ndërkombëtare të turizmit.

Ministria e Turizmit dhe Mjedisit nisi fushatën “BE Taken by Albania”, me synim promovimin ndërkombëtar të asaj çka ofron Shqipëria dhe zhvillimin turistik e ekonomik të vendit.

Ministri Blendi Klosi tha në fjalën e tij se, “Mijëra njerëz më kanë shkruar mesazhe dhe kanë qenë të gatshëm të më mbështesin në fushatën që kemi ndërmarrë, sepse Shqipëria ka nevojë për ekonomi. Turizmi është ekonomi. Ne e kemi këtë mundësi të artë. Të rrëmbehemi nga kjo mundësi e artë për ta bërë Shqipërinë turistike.

Ai ftoi të gjithë të angazhohen në promovim.

Lexo: “Rrëmbehu nga Shqipëria”, video që po bëhet virale, i kundërpërgjigjet filmit Taken

Ambasadori i BE-së në Tiranë, Luigi Soreca tregoi se Bashkimi Europian do të mbështesë financiarisht promovimin e turizmit në Shqipëri.

“Këtë viti do të lancojmë një program madhor për të ndihmuar turizmin në Shqipëri në një vlerë prej 40 milionë eurosh”, tha ai gjatë fjalës së tij.

Ambasadori Zviceran Adrian Maitre tha se, “reputacioni i Shqipërisë do të përfitonte po ashtu nëse vendimmarrësit e këtij vendi do të bashkëpunonin me njëri-tjetrin. Pasi puna e përbashkët në procesin parlamentar ka ndikim të drejtpërdrejtë në ndryshimin e këtij realiteti”.

Ai tha gjithashtu se, së shpejti do të ketë një linjë ajrore Zvicër-Shqipëri, një fakt shtesë ky për fuqizimin e biznesit dhe turizmit.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0