Me datë 6 Tetor Bashkia Tiranë prezantoi fondin më të ri prej 1 milionë dollarësh që do të shkojë për mbështetjen e bizneseve të vogla dhe të mesme në qytetin e Tiranës. Fondi do të shpërndahet në formën e kredive të buta për të gjithë të rinjtë që kanë një ide biznesi dhe duan ta vënë atë në jetë. Sipas kreut të Bashkisë, Erion Veliaj, fondi Crimson Funding nuk është një shpenzim për Bashkinë por një investim dhe do të jepet pa shumë burokraci dhe barriera për të rinjtë që jetojnë në Tiranë.
Ky program do të financojë ide biznesi nga të rinj, në formën e kredive të buta dhe pa burokraci.
Crimson Funding është një institucion jo bankar i themeluar me 6 Janar 2014 pranë Bashkisë së Tiranës, një inisiativë e Fondit Shqiptaro-Amerikan për Zhvillim dhe Bashkisë së Tiranës, në një vlerë totale prej 5 milionë eurosh. Për të gjithë të interesuarit që kanë interes të aplikojnë, ju lutem vizitoni faqen zyrtare të Bashkisë Tiranë.
Ky artikull “Bashkia Tiranë: Fond 1 milionë $ për të rinjtë sipërmarrës” u publikua së pari në faqen zyrtare të Bashkisë Tiranë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto