Dhoma e Tregtisë së Tiranës dhe Oda Ekonomike e Kosovës kanë ngritur një grup pune për të listuar të gjitha problemet e sipërmarrjeve mes Shqipërisë dhe Kosovës. Kreu i Dhomës së Tiranës Nikolin Jaka ka theksuar në një deklaratë për mediat se, “shqetësimet do të mblidhen deri në mes të këtij muaji”. Ai fton sipërmarrësit të sinjalizojnë problemet deri më 15 korrik.
Konferenca e zhvilluar në Tiranë në maj për mundësitë dhe sfidat e marrëdhënieve mes dy vendeve, vunë në dukje pengesa të mëdha në tregtinë mes sipërmarrjeve të dy vendeve.
Në një sondazh të zhvilluar me sipërmarrjen e Kosovës, Shqipëria radhitej e dyta në pengesat për të bërë biznes, pas Serbisë.
Ndërkohë, Jaka thekson se edhe biznesi shqiptar ka rezervat e tij për pengesat në eksporte.
Sipas tij, “Politika e dy vendeve tona duhet të orientohet drejt ekonomisë. Qeveritë tona të ulen dhe të zgjidhin problemet që hasin dy sipërmarrjet dhe kjo është dhe detyra e forumit dhe jam i bindur që brenda datës 30 korrik ne do dalim me një plan veprimi nëse qeveritë tona nuk marrin parasysh kërkesat e sipërmarrjes së dy vendeve”.
Lexo: Shqipëri-Kosovë, pritet unifikim doganor
Duke iu referuar të dhënave të 6 muajve të parë të këtij viti, Jaka tha se, numri i sipërmarrjeve shqiptare që eksportojnë në Kosovë është më pak se 800. Një shifër jashtë mase e ulët, sipas tij, po ta krahasojmë me potencialet që kanë sipërmarrjet tona të një kombi”.
Pas barrierave tregtare me Serbinë, institucionet e Kosovës kanë paralajmëruar më parë se me 1 korrik do të vendosnin barriera në tregtinë me Shqipërinë. Masa e parashikuar është shtyrë deri në fund të këtij muaji. Sipërmarrësit paralajmërojnë se, nëse nuk do të ndërmerren masa, mund të shkojmë deri në bllokimin tregtar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
