Marrëveshja pritet të nisë të zbatohet që në fillim të vitit 2019 kanë thënë zyrtarë të Qeverisë së Kosovës për Europa e Lirë.
Lulzim Rafuna, këshilltar i ministrit të Financave në Qeverinë e Kosovës, tha se dy qeveritë janë në fazat e fundit të harmonizimit të dokumentacionit të nevojshme për mallrat që qarkullojnë mes Kosovës dhe Shqipërisë.
Sipas tij, kjo marrëveshje do të mundësojë uljen e numrit të dokumentave të nevojshëm në doganë dhe të njihen në mënyrë reciproke dokumentet e të dyja shteteve.
“Qëllimi është që të harmonizohen të gjitha këto procedura, të eliminohet kontrolli i dyfishtë që kemi pasur dhe e kemi ende deri në hyrjen në fuqi të këtij protokolli. Paralelisht, jemi duke punuar që Zyrën Doganore në Durrës, ta avancojmë dhe të harmonizohet komplet me këtë protokoll dhe të harmonizohet me procedurat e reja që do të aplikohen në vendkalimin doganor, Morinë- Vermicë”, tha Rafuna.
Lexo: Grupi Balfin edhe në minierat e Kosovës. Blen kompleksin e ferrokromit të Drenasit
Përpjekjet e dy qeverive për rritjen e tregtisë mes dy vendeve kanë qenë të dukshmë këto vite, të paktën në nivel politik. Por niveli I tregtisë mes dy vendeve mbetet ende larg pritshmërive dhe pengesat për produkte të caktuara shfaqen herë pas here.
Vetë shoqatat e biznesit, thonë nga ana tjetër, se tregtia rrezikon të frenohet me vendosjen e tarifës së qarkullimit në Rrugën e Kombit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
