Me sa duket, po kthehen kohët e vjetra në Amwrikë. Tani që janë bërë gati 200 milionë vaksina, baret dhe restoranet janë frekuentuar tepër. Po ashtu, bankat përsëri arijnë kthimin e kapitalit për 20%.
Ka kohë më të gjatë që kur Wal Street nuk mund të jepte rezultate të shkëlqyera si çdo herë. JPMorgan Chase paraqet rritje me 29%, Goldman Sachs me rritje 33%, Bank of America me rritje 20% dhe City Group me rritje 20%.
Ka dy faktorë prapa kësaj rritjeje.
E para është aktiviteti entuziast në tregjet e kapitalit në tremujorin e parë. Për shkak të këtyre lëvizjeve, aksionerët e bankave kanë shkëlqyer, e nuk kishte ndodhur që para krizës financiare globale më shumë se një dekadë më parë.
Faktori i dytë pas performancës së fortë të bankave është perspektiva e ndritshme për ekonominë amerikane. Stimuli i vazhdueshëm i qeverisë ka bërë që huadhënësit të rishikojnë parashikimet e tyre ekonomike.
Rezultatet nga rritja e shpejtë shpjegojnë atë se si çmimet e aksioneve të disa bankave kanë rekuperuar humbjet e tyre që nga Marsi i vitit të kaluar e madje edhe janë rritur. Sidoqoftë, asnjë nga indikatorët e këtyre të ardhurave nuk tregojnë se ky trend do zgjasë shumë. Shterrimi i rezervave të parashikuara për borxhet e këqija nuk mund të sigurojë të ardhurat e qëndrueshme të një banke.
Megjithëse pandemia ka shkaktuar fitime rekord për shumë banka, ajo gjithashtu i ka vendosur ato në një pozitë të vështirë. Kur Rezerva Federale bleu asete për të mbështetur ekonominë, bilanci bankar u rrit tepër. Çdo aktiv i blerë nga Fed krijon një depozitë të re parash që shkon në llogaritë e bankave. Pakot stimuluese dhe tregjet e forta të kapitalit nënkuptojnë që kërkesa për kredi e familjeve dhe e korporatave është e ulët. Rezultati është një akumulim i depozitave, veçanërisht në bankat e mëdha dhe kjo nga ana tjetër rezulton në shtrëngimin e rregullimit pas krizës. Përfundimisht, më tepër depozita dhe fonde likuide, përkeqësojnë raportin e leverixhit, apo raportin e huave të bankave.
Se si do t’i hedhin në treg asetet likuide bankat, mbetet për t’u parë në muajt në vijim. Sidoqoftë, kohërat e mira mund të kthehen, por a do të jenë të mira aq sa kanë qenë?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
