Balter: Sektorët ku mund të investohet në Shqipëri


Të huajt, kryesisht të rinjtë, e shikojnë Shqipërinë si vend ku mund të investohet dhe të zhvillohen projekte fitimprurëse, pavarësisht kuadrit fiskal e burokracive për të financuar projektet. Pasuritë natyrore dhe fushat në të cilat është investuar pak ose aspak janë sektorët ku të rinjtë mund të gjejnë jo vetëm mundësi punësimi, por edhe të sigurojnë të ardhura të konsiderueshme. Qëmtuesi i sipërmarrjes sociale nga Izraeli, Dan Balter, i cili ka vizituar vendin tonë për t’u njohur me resurset dhe për investuar në fusha që i cilëson potencialisht fitimprurëse, shprehet se Shqipëria është një vend me shumë pasuri dhe një terren i mirë për thithjen e investimeve të huaja. Në një intervistë për “Gazetën Shqiptare”, Balter tregon eksperiencën e tij si një sipërmarrës i ri dhe sugjeron të rinjtë shqiptare të mos braktisin vendin, por të gjejnë mundësi për të krijuar e investuar në vendin e tyre.

Sa herë keni qenë në Shqipëri dhe çfarë impresionesh keni marrë?
Kjo ishte hera ime e parë në Shqipëri dhe unë kam përshtypjen se njerëzit ishin shumë të ngrohtë, ushqimi ishte i shijshëm dhe aty kishte shumë gëzim. Unë mendoj se ka diçka të veçantë në njerëzit që mund të sjellë shumë suksese. Unë pashë shumë potencial dhe gatishmëri te njerëzit, për të përmirësuar situatën aktuale në të cilën jetojnë.
Si e shikoni Shqipërinë në kontekstin e klimës së të bërit biznes?
Shqipëria ka shumë potencial – burime natyrore, njerëz të cilët largohen për të shkuar në Evropë dhe të kenë sukses, dhe motivim të brendshëm për të përmirësuar realitetin e së kaluarës.
Cilët janë sektorët në të cilët ju mendoni se ka vend për zhvillimin e indeve dhe programeve të reja inovative?
Unë mendoj se, për Shqipërinë, të gjitha opsionet janë të hapura – tregu i kibernetikës, tregjet financiare dhe bujqësore kanë shumë hapësirë për produkte të reja. Në të njëjtën kohë, unë shoh një potencial të madh për të përdorur burimet natyrore të Shqipërisë për të zhvilluar një ekosistem.
Keni një mesazh për rininë shqiptare, pjesa më e madhe e të cilëve po largohen nga vendi për shkak se s’kanë një vend pune?
Unë do të doja t’u thosha të rinjve që e kundërta e papunësisë nuk është braktisja por risia. Në momentin që njerëzit do fillojnë të nxisin dhe krijojnë biznese të reja, mundësitë e punës do të rriten dhe situata e papunësisë do të përmirësohet.
Cilat janë fushat ku ka vend për zhvillimin e ideve inovatore?
Unë besoj se mundësitë për zhvillim në fushën e bujqësisë dhe burimeve natyrore në Shqipëri janë të pabesueshme.
Në çfarë fushash keni investuar ju në vendin tuaj?
Unë jam aktualisht në fushën e zhvillimit të ekosistemit dhe, në nivel personal, jam gjithashtu shumë i interesuar në fushën e aviacionit.
A ka qenë e vështirë të gjeni financime?
Nuk është e lehtë për të mbledhur fonde dhe për të gjetur investitorët në çdo vend. Në fund të ditës, kjo është e vështirë për njerëzit. Ju duhet të dini si t’i shisni ëndrrat tuaja dhe kur ju mund ta bëni, fondet vijnë gjithashtu.
A e njihni legjislacionin fiskal në Shqipëri? Po mënyrën burokratike për të marrë financime?
Izraeli nuk është më pak burokratik se Shqipëria, por ka diçka të veçantë në lidhje me Izraelin, me të cilën njerëzit bëjnë shaka në të gjithë botën. Së pari ne themi “po” dhe fillojmë ta bëjmë, dhe vetëm atëherë ne kontrollojmë ku mund të gjejmë të holla dhe mbështetje. Kjo është se si përfshihen njerëzit në aventurat e biznesit. Është e vërtetë se shteti burokratik i një vendi ndikon në shpejtësinë me të cilën mund të krijohet dhe të ndërtohet një sipërmarrje, por kjo nuk do të ndikojë në zbatimin e idesë, ose në mënyrë që ju të shkoni rreth saj. Ashtu siç thashë edhe në një leksion në Shkodër, nëse dera është e mbyllur, të shkojnë përmes dritares, dhe në qoftë se është e mbyllur, të ngjiten nëpër oxhak. Aftësia juaj për të gjetur zgjidhje kreative është mënyra më e mirë për të fituar rreth burokracisë që ju rrethon.

/Gazeta Shqiptare/

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale