Autoriteti financiar i Anglisë do të rregullojë me ligj platformat e shkëmbimit të kriptomonedhave - Business Magazine Albania

Autoriteti financiar i Anglisë do të rregullojë me ligj platformat e shkëmbimit të kriptomonedhave

Mbikëqyrësi financiar i Mbretërisë së Bashkuar tha sot se do të sigurojë që firmat e kriptove të kenë “korridore sterile” midis produkteve dhe shërbimeve të ndryshme që ato ofrojnë, pasi po bën një vlerësim të pasojave që la shkatërrimi i paltformës së njohur të shkëmbimit FTX  dhe përgatitet ta vërë seKtorin nën shina.

Autoriteti i Sjelljes Financiare (FCA) tha se firmat do të kenë nevojë për ndarje të qarta midis produkteve dhe shërbimeve të tyre kur ajo rregullon sektorin

Duke folur me deputetët në një seancë dëgjimore të komisionit të përzgjedhur sot, zyrtarët e Autoritetit të Sjelljes Financiare thanë se rregullatori kishte marrë “mësime” nga rënia e perandorisë së Sam Bankman-Fried dhe do të siguronte që produktet dhe shërbimet kripto të mos kontaminojnë njëri-tjetrin kur ai ka fuqi për të rregulluar sektorin.

Lexo edhe: Standard Chartered: Bitcoin mund të arrijë në 5 mijë dollarë në 2023

Shpërthimi i FTX dhe kolapsi i firmës së saj motër Alameda ka nënvizuar rrezikun e rrjedhjes së fondeve dhe shërbimeve që dëmtojnë njëra-tjetrën në platformat kripto, si dhe natyrën e ndërthurur të perandorisë së Bankman-Fried.

Drejtori i pagesave dhe aseteve dixhitale të FCA-së, Matthew Long, tha se FCA do të përpiqet të eliminojë praktikën e ngjashme kur të rregullojë sektorin.

FCA aktualisht nuk ka mbikëqyrje të bizneseve të kriptomonedhave, por pritet të fitojë kompetenca më të mëdha si rezultat i një ndryshimi në Projektligjin e Shërbimeve Financiare dhe Tregjeve që kalon nëpër parlament.

Ministrat kanë finalizuar planet për të rregulluar sektorin dhe do të lejojnë rregullatorët të kontrollojnë se si firmat funksionojnë dhe reklamojnë produktet e tyre, raportoi The Financial Times./ City AM 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0