Ndërsa po bëhet akoma edhe më e zakonshme që të shohim makina elektrike, rradhën e ka transporti masiv. Pas autoveturave, tashmë rradhën e kanë autobusët. Më konkretisht, autobusët e shkollave amerikane. Pikërisht ata ngjyrë të verdhë që jemi mësuar i shohim nëpër filma.
Pak ditë më parë, Daimler, kompania prind e Mercede Benz foli për planet e saj për të prodhuar autobusë elektrik për shkollat me autonomi deri në 100 milie.
Autobusi elektrik do të jetë një Saf-T-Liner C2. Ai do të prodhohet nga një nënkompani e Daimler e quajtur Thomas Built Buses. I quajtur Jouley, ky autobus elektrik do të ketë 81 ulëse, dhe do të jete i paisur me një bateri prej 60 kWh.
Lexoni: Carlos Ghosn: Shitjet private të makinave do të vazhdojnë të ekzistojne
Daimler thotë se do të ofrohen edhe opsione të shtimit të baterive. Ky autobus elektrik do të jetë ndoshta fillimi i një rruge të re drej elektrifikimit të Daimler. Aktualisht Thomas Built Buses zotëron 38.7% të tregut amerikan. Me përqafimin akoma edhe më të shpeshtë të teknologjive të reja, duket se kjo shifër do të pësojë rritje.
Por si çdo teknologji e re edhe kjo ka problemet e veta dhe një nga më kryesoret është autonomia. Padyshim, një nga problemet e para që ky autobus elektrik do të do të hasë do të jetë pikërisht kjo.
Ajo çka është në favor të saj, është se autobusët do të kenë kohë të karikohen ndërkohë që mësimi vazhdon, dhe përdorimi i tyre nuk është i nevojshëm.
Bazuar në teknologjitë që po zhvillohen dita ditës, me shumë gjasa edhe ky autobus elektrik do të jetë autonom në të ardhmen. Një klikim në smartphone/kompjuter, dhe ai do të gjendet në derën e shtëpisë.
Bazuar në statistika, janë plot 475.000 autobusë shkollash në të gjithë Amerikën. Nga këto, rreth 180 mijë i përkasin kompanisë në fjalë. Sikur të gjithë ato të zëvendësohen, impakti nuk do të jetë i vogël.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
