Ashpërsimi i masave kundër evazionit

Ashpërsimi i masave kundër evazionit, biznesi kërkon tërheqjen e qeverisë


Biznesi i kërkoi qeverisë të tërhiqet nga ashpërsimi i masave penale kundër evazionit, pasi sipas dhomave të tregtisë ato nuk do të kenë efekt. Nikolin Jaka tha se rritja e represionit do fuqizojë më shumë njerëzit e lidhur me pushtetin.

“Bizneset informale kontrabandiste, kanë qënë ortakët e pjesës së zezë të politikës. Pra, nuk është se biznesi me penalizime të rritura tashmë mund të formalizohet. Jo. Unë ju siguroj që sado ti rrisni penalizimet, po ata njerëz të kontrabandës dhe informalitetit do të jenë dhe më të fuqishëm”, tha Nikolin Jaka, kreu i Dhomës së Tregtisë dhe Industrisë.

Përfaqësuesit e biznesit ishin në komisionin e ekonomisë për tu pyetur mbi paketën e re fiskale.

“Çfarë na shtyn ne të shtojmë akcizën për prodhimn vendas, presioni ndërkombëtar apo presioni i importit”, tha Stefan Pinguli.

“Si mund të vijë të investojë një industri e huaj këtu, të ëj një fabrikë, kur e ka më mirë ta sjellë nga importi birrën se ta prodhojë në vend sepse kostot tona janë më të larta se importi”, tha Luan Bregasi, Biznes Albania.

Industria e sigurimeve kërkon që të anulohet rritja e taksës mbi primin nga 3 në 10 për qind.

“Kjo tendencë për të rritur taksën me 10% në të gjitha produktet mendoj se do të frenojë zhvillimin e kësaj industrie”, tha Avni Ponari.

Ndërsa Shoqata e Turizmit kërkojnë uljen e TVSH-së në 10 për qind për ta barazuar me rajonin.

“Nuk bëhet fjalë për të konkurruar rajonin, Malin e Zi që ka një të tretën e të gjithë resorteve dhe Kroacinë se na ka lënë prapa në kohë. Po ne po na konkurron Maqedonia me një gjysmëliqen”, tha Zak Topuzi, Shoqata e Turizmit.

Komisioni i Ekonomisë vendosi t’i dëgjojë bizneset gjatë shqyrtimit nen për nen të paketës fiskale, pasi draftet janë miratuar sakaq parimisht nga Parlamenti.

/Top-Cahnnel/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0