“Shiko, shiko! Po përdor syze dielli në mes të dimrit.”- bisedonin dy djem të rinj që po ofendonin një burrë mesomoshë, ndërkohë që ai po kalonte rrugën. Gjithkush mund ta bëjë nje koment të tillë, madje dhe ne nëse nuk do kisha informacionin e duhur. Sytë janë një pjesë shumë delikate e trupit të njeriut, dhe për këtë arsye ato kanë nevojë për një përkujdes të jashtëzakonshëm. Të gjithë e dimë që rrezet e diellit janë shumë të rrezikshme për sytë dhe prandaj kujdesemi që t’i mbajmë ato vetëm gjatë verës, por kjo rutinë nuk është plotësisht e saktë.
E dini se dëbora reflekton rreth 80% të rrezeve të diellit dhe mund të shkaktojë një gjendje të quajtur verbim nga dëbora?
Rëra, era, dhe pluhuri janë po aq të rrezikshme, gjithashtu. Këto faktorë mund të çojnë në kancer të lëkurës, krijimin e glaukomës dhe kataraktit, ënjtje të syrit, si dhe në rastin më të keq humbje të përhershme të shikimit.
Lexo: Momentet gjatë studimit kur truri ynë mëson më shumë
Për këtë arsye, përdorimi i syzeve cilësore të diellit është aq i domosdoshëm. Përfaqësuesit e Enzo Attini në Tiranë theksojnë se, duhet të flitet gjithnjë për syze cilësore, sepse ato duhet të kenë një xham të një cilësie të lartë që të mund të të mbrojë nga rrezet e diellit apo faktorët e tjerë të lartpërmendur. Nëse ato janë të prodhuara me një cilësi shumë të ulët, atëherë jo vetëm që nuk do t’ju mbrojnë, por do t’ju shkaktojnë irritime të shkallëve të ndryshme në lëkurë.
Nëse arrini të gjeni diçka që kombinohet edhe me veshjen, kjo është një zgjidhje edhe më e mirë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
