Arben Ahmetaj, kualifikim falas për punëkërkuesit

Arben Ahmetaj, kualifikim falas për punëkërkuesit


Ministria e Financave po përgatit një plan kualifikimi falas të të gjithë punëkërkuesve. Faktin e ka vënë në dukje së fundi Ministri i Financave dhe Ekonomisë Arben Ahmetaj në një vizitë të bërë në shkollën profesionale “Kolin Gjoka” në Lezhë.

Në takimin e zhvilluar, Ahmetaj ka theksuar se Qeveria po i kushton vëmendje të madhe arsimit profesional. Duke vënë në dukje mangësitë aktualisht në konkurrueshmërinë e sipërmarrjeve tona, Ministri i financave është shprehur i bindur se nëse, “investojmë seriozisht tek arsimi profesional, pas 15 vitesh, 10 vitesh, do të kemi një ekonomi të hapur, konkurruese me aftësi të përputhura me industritë” .

Ministri theksoi se në Ministrinë e Financave dhe Ekonomisë po bëhet një analizë e detajuar për aftësimin profesional dhe punësimin, me qëllim afrimin e nevojave të tregut me ofertën për punë, edhe për të adresuar ato sfida me të cilat ekonomia shqiptare përballet sot. “Ajo që dua të sjell në vemendje të shkollës, të gjithë politikëbërësve, është fokusi i kurrikulumit tek ato industri që eksportojnë. Shqipëria patjetër ka një sfidë shumë të madhe me eksportet. E para, ka akoma eksporte me vlerë të ulët. E dyta, e ka gamën e eksporteve shumë të ngushtë.

Për shkollën e arsimit profesional në Leshë, ka premtuar zgjerimin e ambientit në bashkëpunim me Bashkinë, për ta kthyer këtë shkollë në një qendër multifunksionale.

Në takim merrnin pjesë mbi 200 nxënës, mësues e sipërmarrës, më të cilat shkolla ka një bashkëpunim të rregullt për praktikat profesionale. Zhvillimi i praktikave profesionale të nxënësve të kësaj shkolle, është realizuar përmes programit zviceran të Swisscontact, Skills For Job. Ky program po mbështet pesë shkolla profesionale në vend, përmes hartimit të kurrikulave dhe realizimit të praktikave profesionale të nxënëve në sipërmarrje.

Mund të lexoni edhe:  Formimi Profesional në Shqipëri, një sfidë e nisur nga AFTËSI PËR PUNË – Artikull i publikuar më parë në faqen 53 të numrit 15 të revistës Business Magazine Albania. Ju mund të Shfletoni Këtu nr. 15 të saj.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0