Shumë njerëz kanë kohë që besojnë se Apple me dashje ngadalëson performancën e iPhone në përpjekje për t’i bërë përdoruesit të blejnë telefonat e tyre të rinj.
Për herë të parë, Apple ka pranuar se ngadalëson disa iPhone. Por, kompania shpjegoi se vitin e kaluar e mori veprimin për të parandaluar fikjet e papritura të lidhura me baterinë.
Problemi, lidhet me baterinë litium brenda iPhone. Bateritë mund të dështojnë në kushte të caktuara – si i nxehtë apo i ftohti i madh – ose ndërsa vjetërohen me kalimin e kohës. Kjo ndonjëherë mund të shkaktojë ngadalësimin e iPhone-ve më të vjetër, tha Apple.
Pronarët e iPhone-ëve në disa shtete po padisin Apple. Ata akuzojnë Apple për shkelje të ligjit duke kufizuar në mënyrë të qëllimshme performancën pa i informuar pronarët e iPhone se problemet mund të rregullohen duke zëvendësuar baterinë e pajisjes. Kjo, thonë ata, i detyroi ata të shpenzojnë më shumë para për të blerë iPhone të rinj.
Analistë dhe pronarë të iPhone zhvilluan disa teste që përfshinë iPhone 6s dhe iPhone 7, me disa versione të ndryshme të sistemit operativ. Rezultatet e testeve fajësuan bateritë e vjetëruara që shkaktuan ulje të performancës së pajisjes.
Disa analistë ekonomikë kanë ulur parashikimet për dërgesat e iPhone X të vitit 2018, duke parë dhe kërkesat shumë më të ulëta. Daily Economic ka njoftuar së fundi se Apple mund të ulë objektivat e saj të shitjes për iPhone X në tremujorin e parë nga 50 milionë në 30 milionë.
/VOA
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English