Apple po planifikon “në mënyrë të fshehtë” dizenjimin e një aplikacioni që i ndihmon përdoruesit e iPhone për të kaluar në Android, sipas një raportimi nga The Telegraph.
E përditshmja britanike pretendon, bazuar në një “burim i besueshëm i industrisë,” që kompania e famshme e Cupertinos ka një marrëveshje për të ndërtuar një mjet që do ta bëjë më të thjeshtë për përdoruesit të transferohen në platformën tjetër.
Apple e ka aktualisht një aplikacion të tillë, pavarësisht se punon në drejtim të kundërt. “Move to iOS” (Kalo në iOS) është një aplikacion Androidi që i ndihmon përdoruesit e tyre të transferojnë kontaktet, fotot dhe të dhënat e tjera të tyre drejt një iPhone. Është vetëm një nga 3 aplikacionet që Apple ka bërë për Android, së bashku me Apple Music dhe një aplikacion që kontrollon Beats pill+ speaker.
Aplikacioni për të cilin po qarkullojhnë fjalë do të përmbushte një funksion shumë të ngjashëm për ata që kërkojnë të kalojnë nga një iPhone në një smartphone Android, duke transferuar lehtësisht fotot e tyre, muzikën, kontaktet dhe më tepër se kaq. Mesa duket, janë operatorët kryesorë të telekomit në Evropë që po i bëjnë “presion” kompanisë pasi janë të shqetësuar për përdoruesit e iPhone që janë të kyçur.
Apple nuk e ka konfirmuar relacionin dhe kompania nuk i është përgjigjur ende Business Insider pas kërkesës së kësaj të fundit për komente. Por nëse është e vërtetë, shkon në drejtim të kundërt me strategjinë më të fundit të Apple. Pasi tregu i smartphone është maturuar në Perëndim, kompania po fokusohet gjithmonë e më shumë në ndjekjen e “sëitchers” nga Android drejt iOS.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
