Apple ngre padi ndaj ish-punonjësit

Apple ngre padi ndaj ish-punonjësit


Pse Apple po akuzon një ish-punonjës të sajin që ka hartuar një startup ndërkohë që punonte aty?

Është kjo e drejtë e punonjësve apo jo?

Ka shumë arsye që ia vlejnë për t’u bërë sipërmarrës. Apple është duke propozuar idenë se një person nuk duhet ta fillojë sipërmarrjen e tij, ndërkohë që është duke punuar diku tjetër si i punësuar. Apple po akuzon Gerard Williams, një ish-punonjës, i cili e la punën vitin e kaluar sepse themeloi një kompani personale serverash dhe çipash të quajtur Nuvia, thotë Reuters. Williams ka punuar për Apple në sektorin e çipave, ku ka qenë në pozicionin e arkitektit për procesorët dhe çipat e iPhone-ve dhe iPads-ve.

Apple thotë se nuk është problem që punonjësit të largohen nga kompania, por Williams e ka shkelur marrëveshjen e besnikërisë me kompaninë. Ndërkohë që ai punonte tek Apple ka hartuar planin dhe strategjinë për startup-in e kompanisë që synonte të ndërtonte. Apple paditi Williams në muajin gusht duke e akuzuar se kishte shkelur kontratën e firmosur. Në kontratë ai kishte pranuar se “nuk do të planifikoj të angazhohem dhe nuk do të angazhohem në asnjë kompani, ndërkohë që punoj tek Apple”.

Apple gjithashtu tha se Williams ka folur me punonjësit e tjerë gjatë orarit të punës për t’u propozuar atyre të bashkohen me të në kompaninë e tij të re, raporton Reuters. Edhe pse kjo nuk është e vërtetë, nuk është medoemos diçka e keqe sipas ligjit të Kalifornisë. Gjatë kundërpërgjigjes ndaj padisë, Williams tha se asnjë nga ligjet e Kalifornisë nuk e ndalon punonjësin të planifikojë hapjen e një biznesi të ri.

Lexo: Apple ka punësuar një ekip sekret për lançimin e satelitëve

Gjykatësi i çështjes, Mark Pierce, gjatë vendimit tha se Apple nuk fitonte asnjë dëmshpërblim lidhur me padinë e bërë. Megjithatë ai lejoi që padia të vazhdojë. Nëse e shohim çështjen në një kontekst më të gjerë, kjo do të thotë që padia mund të shkojë më tej dhe vendimi përfundimtar nuk dihet ende. Pavarësisht të gjithave, kjo çështje përbën shqetësim si për punëdhënësit ashtu edhe për punëmarrësit.

Në një treg që inkurajon vazhdimisht iniciativat sipërmarrëse, gjithnjë e më shumë të punësuar janë duke menduar të ndërtojnë kompanitë e tyre. Në raste të tilla, kompanive aktuale do i duhet të konkurrojnë me punonjëësit e tyre. Sigurisht që punëdhënësit nuk duan konkurrencë nga punonjësit e tyre të cilët shfrytëzojnë orët e punës për të planifikuar lëvizjet qe do bëjnë në të ardhmen. Megjithatë politikat e tregut janë shumë të ashpra dhe nuk mund t’i mbështesin punëdhënësit për kufizimin e punonjësve në këtë çështje.

Duke marrë në konsideratë fuqinë dhe ndikimin që ka Apple, një padi e tillë është e çuditshme. Sidomos në Kaliforni, ku shanset për të fituar një padi janë të pakta. Apple mund ta ketë përdorur padinë si strategji për të paralajmëruar punonjësit e tjerë që të mos planifikojnë gjëra të reja në orarin e punës. Fundja, pas një farë kohe kjo mund t’i shkaktojë kosto të rënda kompanisë.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0